प्रधानमन्त्रीका प्रमुख राजनीतिक सल्लाहकार गजुरेलद्वारा राजीनामा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — प्रधानमन्त्री पुष्पकमल दाहालका प्रमुख राजनीतिक सल्लाहकार हरिबोल गजुरेलले राजीनामा दिएका छन् । प्रधानमन्त्रीको प्रमुख राजनीतिक सल्लाहकारको पदबाट मंसिर २० गते नै राजीनामा दिएको गजुरेलले जानकारी दिए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![प्रधानमन्त्रीका प्रमुख राजनीतिक सल्लाहकार गजुरेलद्वारा राजीनामा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/haribol-gajurel-10122023023421-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आफूले राजीनामा दिए पनि स्वीकृत भएको जानकारी प्राप्त भइनसकेको गजुरेलले बताए । '२० गते बिहान मैले पदबाट राजीनामा दिएको हो । त्यसपछि सिंहदरबार पनि गएको छैन,' उनले भने ।
प्रधानमन्त्रीसँग व्यक्तिगत असन्तुष्टि वा अन्य पद प्राप्त गर्नका लागि राजीनामा नभएको गजुरेलले बताए । 'मेरो राजीनामा व्यक्तिगत असन्तुष्टि र पदको लाभको अपेक्षाका लागि होइन । मैले राजीनामाको कारण स्पष्ट रूपमा लेखेको छु । त्यो स्वीकृत भएसँगै कारण सार्वजनिक होला,' उनले भने ।
सिन्धुलीका स्थायी बासिन्दा गजुरेल पूर्वमन्त्री पनि हुन् । उनी प्रतिनिधिसभाको गत मंसिरको निर्वाचनमा उम्मेदवारका लागि टिकट पाएका थिएनन् । प्रधानमन्त्री दाहालले गत माघ ९ मा गजुरेललाई प्रमुख राजनीतिक सल्लाहकार बनाएका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)