भोलि अत्यावश्‍यक कामका लागि मात्रै गाडी लिएर निस्कन ट्राफिकको आग्रह

ट्राफिकले सडकमा निस्कनु अगाडि १०० वा १०३ मा टेलिफोन गरेर वा ट्राफिक एफएम ९५.५ मेगाहर्ज सुनेर सडकको अवस्थाको जानकारी लिन समेत सूचित गराएको छ । 'तपाईंको सुरक्षा तथा ट्राफिक व्यवस्थापन गर्ने क्रममा ट्राफिक प्रहरीले सवारी साधन जुनसुकै ठाउँबाट पनि डाइभर्सन गर्न सक्ने हुँदा ट्राफिक प्रहरीलाई आवश्यक सहयोग गर्नहुन विनम्र अनुरोध गर्दछौं,' सूचनामा भनिएको छ ।

बिहीबार उपत्यकामा दुर्गा प्रसाईं समूह र एमालेको भातृ संगठन युवा संघको र्‍याली तथा जुलुसको कार्यक्रम रहेको छ । सो कार्यक्रमलाई लक्षित गरी यस अघि नै काठमाडौं तथा ललितपुर जिल्ला प्रशासन कार्यालयले विभिन्न स्थानलाई निषेधित क्षेत्र घोषणा समेत गरी सकेको छ ।