नेम्वाङको अन्त्येष्टिका लागि शवयात्रा सुरू

नेम्वाङको निवास बालुवाटारबाट नेपाली सेनाले सलामीसहित शोक धुन बजाउँदै शवयात्रा सुरु गराएको हो । उनको निजी निवास बालुवाटारबाट सुरु भएको शवयात्रा शिक्षण अस्पताल, महाराजगञ्ज, धुम्बाराही, चाबहिल हुँदै पशुपति आर्यघाट पुग्ने छ । नेम्वाङको पशुपति आर्यघाटमा राजकीय सम्मानका साथ अन्त्येष्टि हुनेछ ।

७१ वर्षीय नेम्वाङको सोमबार मध्यरातमा निधन भएको थियो । नेम्वाङको अन्त्येष्टिका दिन सकरारले आज सार्वजनिक बिदा दिएको छ ।