संसदीय समिति सभापति चयन गर्न सभामुखलाई एमालेको ध्यानाकर्षण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — प्रमुख प्रतिपक्षी दल नेकपा (एमाले)ले संघीय संसद् मातहतका संसदीय समिति सभापति चयन गर्न सभामुखको ध्यानाकर्षण गराएको छ । संसदीय समिति सभापति चयन नभए समितिका आगामी बैठकमा उपस्थित नहुने पनि एमालेले सभामुख देवराज घिमिरेलाई जानकारी गराएको हो ।
![](https://assets-cdn.ekantipur.com/uploads/source/ads/900x100-0762024075620.gif)
![संसदीय समिति सभापति चयन गर्न सभामुखलाई एमालेको ध्यानाकर्षण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/politics/yogesh-3072023010316-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सभामुख घिमिरेलाई फोनमार्फत संसदीय समिति सभापति चयन गर्न भनेको र नगरिए समितिका आगामी बैठकमा उपस्थित नहुने जानकारी गराएको एमाले सचिवसमेत रहेका सांसद योगेश भट्टराईले बताए । 'आज हामीले सार्वजनिक लेखा समितिमा कुरा उठायौं र प्रस्ताव पनि पारित भएको छ । सभापति नहुँदा काम प्रभावित भएको छ,' उनले भने, 'सभामुखलाई यो कुरा जानकारी गराएका छौं । उहाँले सबै दलसँग परामर्श गरेर प्रक्रिया अगाडि बढाउँछु भन्नुभएको छ ।'
एमाले संसदीय दलका एक पदाधिकारीले समिति सभापति चयन नभए अन्य समितिमा पनि एमालेका सांसद उपस्थित नहुने बताए । संसदीय समिति गठन भएको ३ महिना पूरा हुँदा पनि सभापति चयन नभएकाले एमालेले समितिका बैठक बहिष्कार गर्न लागेको ती अधिकारीको भनाइ छ ।
प्रतिनिधिसभाका समितिको गठन गत वैशाख १५ गते भएको थियो । संसदीय समितिलाई ज्येष्ठ सांसदहरूले चलाइरहेका छन् ।
प्रकाशित : श्रावण १४, २०८० १६:४८