बुढीगण्डकी परियोजनाको शिलान्यास यसै महिना हुन्छ : प्रधानमन्त्री दाहाल

'यसै महिनाभित्र बुढीगण्डकी परियोजनालाई अघि बढाउनका लागि कार्यालय उद्घाटन गर्ने र शिलान्यस गर्ने भन्ने विषयमा सम्बन्धित अधिकारीलाई भनेको छु‚' दाहालले भने, 'बुढीगण्डकी परियोजना सञ्चालनको नयाँ कार्यालयको उद्घाटन यसै महिना हुन्छ ।'

गोर्खा र धादिङको सीमामा रहेको बुढीगण्डकी नदीमा १ हजार २ सय मेगावाट बिजुली उत्पादनसहितको बहुउद्देश्यीय परियोजना हो । परियोजना सञ्चालनका लागि ४० अर्ब रुपैयाँबराबरको मुआब्जा वितरण गरिसकिएको छ ।

त्यसैगरी पेट्रोलियम पदार्थमा पूर्वाधार कर लगाएर ७० अर्बभन्दा बढी रकम संकलन गरिसकेको उनले बताए । आयोजनाबाट ५० हजार मानिस प्रभावित हुने अनुमान गरिएको थियो ।