बजेट निर्माणको विषयमा एमालेका स्थानीय तहका प्रमुख तथा उपप्रमुखलाई प्रशिक्षण

'राजनीतिको विषयमा नभई बजेट निर्माणको विषयमा प्रशिक्षण राखिएको हो । गत वर्ष पनि यस्तै कार्यक्रम आयोजना गरिएको थियो‚' स्कुल विभागकी सचिव पेम्वा लामाले भनिन्, 'करिब ४ सय प्रतिनिधिहरूको सहभागिता रहनेछ ।' अध्यक्ष केपी शर्मा ओलीले पार्टी केन्द्रीय कार्यालय च्यासलमा कार्यक्रमको उद्घाटन गर्नेछन् ।

नेपाल सरकारका पूर्वसचिव शिशिर ढुंगानाले स्थानीय तहको प्राथमिकता र कार्यक्षेत्र, राष्ट्रिय पुनर्निर्माण प्राधिकरणका पूर्वप्रमुख कार्यकारी अधिकृत सुशील ज्ञवाली र गाउँपालिका राष्ट्रिय महासंघका प्रमुख कार्यकारी अधिकृत विमल पोखरेलले स्थानीय तहको सुशासन, सेवा प्रवाह र जनशक्तिको विषयमा प्रशिक्षण दिने बताइएको छ ।

त्यसैगरी स्थानीय तहमा देखा परेका समस्या र समाधानको विषयमा स्थानीय तहका प्रतिनिधिहरूले जानकारी गराउने कार्यक्रम रहेको सचिव लामाले बताइन् ।