कुसवाहको दाबी- 'गणना सकिँदा म निर्वाचित हुन्छु'

जसपा अध्यक्षसमेत रहेका उपेन्द्र यादवसँग प्रतिस्पर्धा गरिरहेका कुसवाहाले धेरै मत गन्न बाँकी रहेकाले गणना सकिँदासम्म आफू निर्वाचित हुने दाबी गरेका हुन् । जवकि सोमबार साँझ ४ बजेसम्मको परिणाम अनुसार सत्ता गठबन्धनको समर्थन पाएका उपेन्द्र यादव कुसवाहभन्दा ५ हजार १३ मतले अगाडि छन् ।

४ बजेसम्म सार्वजनिक भएको मतपरिणाम अनुसार उपेन्द्र यादव १८ हजार ९६ मत ल्याउँदै अग्रता कायम गरेका छन् । कुसवाहले भने १३ हजार ८३ मत ल्याएका छन् । यस्तै नेकपा एमालेका उम्मेदवार पुरुषोत्तम पौडेललले हालसम्म ५ हजार ४ सय ५९ मत ल्याएका छन् ।

यससँगै तनहुँ र चितवनमा भएका उपनिर्वाचनमा भने राष्ट्रिय स्वतन्त्र पार्टीका स्वर्णिम वाग्ले र रवि लामिछाने निर्वाचित भइसकेका छन् ।

६९ हजार १ सय ७ मत खसेकोमा ४१ हजार ७६८ मत गणना भइसकेको छ । यस्तै ३० हजार २७ हजार ३३९ मत गणना गर्न बाँकी छ ।

उपेन्द्र यादवले भने अहिले प्रतिक्रया दिने बेला नभएको र बारा आएर अत्यन्तै खुसी भएको प्रतिक्रिया दिएका छन् ।