झापा आन्दोलनका नेता नरेश खरेलले एमाले छाडे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
झापा — नेकपा एमालेका केन्द्रीय सल्लाहकार सदस्य नरेश खरेलसहितका नेता तथा कार्यकर्ताले सोमबार एमाले परित्यागको घोषणा गरेका छन् । खरेल एमाले अध्यक्ष केपी ओलीसँगै १७ वर्ष जेल बसेका झापा आन्दोलनदेखिका अगुवा कम्युनिस्ट नेता हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![झापा आन्दोलनका नेता नरेश खरेलले एमाले छाडे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/naresh-kharel-1042023114139-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सहिद रत्नकुमार वान्तवाको स्मृति दिवसको अवसर पारेर खरेलसहित एमाले झापाकी उपसचिव चन्द्रा श्रेष्ठ, हिरा पोखरेललगायतका १० जनाले एकै पटक एमाले छाडेको घोषणा गरेका हुन् । यसअघि हल्दिवारी गाउँपालिकाका पूर्व उपाध्यक्ष डम्बर गिरी एमाले छाडेर नेकपा समाजवादीमा प्रवेश गरेका थिए ।
पार्टीभित्र वैचारिक संघर्ष गर्ने क्रममा अनेक किसिमका अपमान तिरस्कारको सामना गर्नु परेको भन्दै ती नेता तथा कार्यकर्ताले एमाले छाडेको जनाएका छन् । घनश्याम भूसाल एकीकृत समाजवादी प्रवेश गरेपछि खरेल उनीसँगको संवादमा थिए ।
'१० बुँदे' पक्षधर झापाका अन्य नेता तथा कार्यकर्ताहरु पनि नेकपा एसमा प्रवेशको तयारीमा रहेको बुझिएको छ । एमालेभित्र असन्तुष्ट धेरैले पार्टी छाड्दैछन्', नेकपा एसका एक केन्द्रीय नेताले भने । खरेल पत्नी पवित्रा खरेल भने विदेशमा रहेकाले उनले एमाले छाडेकी छैनन् । खरेल हाल एमाले सल्लाहकार परिषद् सदस्य थिए ।
नेकपा एसका नेता मुकुन्द न्यौपानेले नेकपा एस छोडेर एमालेमा फर्किन लागेका बेला अर्का नेता खरेल भने एमाले छोडेर नेकपा एसमा प्रवेश गर्न लागेका हुन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)