म गृहमन्त्री बन्ने कुनै निर्णय भएको छैन : मन्त्री श्रेष्ठ

सरकारको नेतृत्व गरिरहेको माओवादीले गृह मन्त्रालय आफैंसँग राख्ने अडानमा रहेपछि श्रेष्ठको मन्त्रालय हेरफेर हुने बताइएको छ । मन्त्री श्रेष्ठले भने प्रधानमन्त्री पुष्पकमल दाहालको निर्देशनको प्रतीक्षामा रहेको बताएका छन् ।

‘गृहमन्त्रीका सम्बन्धमा के गर्ने भन्नेबारे मैले निर्णय गर्ने छैन, पार्टीको सिफारिस र प्रधानमन्त्रीको निर्देशनअनुसार काम गर्ने हो,’ सोमबार मन्त्रालयमा सञ्चारकर्मीसँग कुरा गर्दै उनले भने, ‘अहिले सरकारको मुख्य काम जुन छ,त्यसलाई प्रभावकारी रुपमा सम्पादन गर्न प्रधामन्त्रीलाई के गर्दा उपयुक्त हुन्छ भन्ने लाग्छ, त्यो निर्देशनको प्रतिक्षामा छु ।’

प्रधानमन्त्रीले दिएको निर्देशन पालना गर्न आफू तयार रहेको बताउँदै उनले गृहमन्त्रीका सम्बन्धमा कुनै निर्णय भइनसकेको स्पष्ट पारे । केही दिनमै मन्त्रिपरिषद्ले पूर्णता पाउने पनि उनले बताए ।