२५.१२°C काठमाडौं
काठमाडौंमा वायुको गुणस्तर: १३०

एकीकृत समाजवादीको महासचिवमा घनश्याम भुसाल मनोनीत

काठमाडौँ — एकीकृत समाजवादीको महासचिवमा घनश्याम भुसाल मनोनीत भएका छन् । पार्टी सचिवालय बैठकले आइतबार भुसाललाई महासचिवमा नियुक्त गरेको हो ।

एकीकृत समाजवादीको महासचिवमा घनश्याम भुसाल मनोनीत

यसैगरी पार्टीले हालसम्म महासचिव रहेका बेदुराम भुसाललाई उपाध्यक्षमा मनोनीत गरेको छ । आमनिर्वाचनअघि एमाले छाडेका भुसाल गत फागुनमा एकीकृत समाजवादीमा प्रवेश गरेका थिए ।

बैठकले प्रधानमन्त्री पुष्पकमल दाहाल नेतृत्वको सरकारलाई विश्वासको मत दिने निर्णय गरेको छ । यसैगरी उपाध्यक्षहरू घनेन्द्र बस्नेत, केदार न्यौपाने, केशवलाल श्रेष्ठ र धर्मनाथप्रसाद साहलाई सचिवालय सदस्यमा मनोनीत गरिएको छ । यसअघि सचिवालयमा १२ सदस्य रहेका थिए ।

'सोमबार प्रतिनिधिसभा बैठकमा प्रधानमन्त्री पुष्पकमल दाहालले राख्ने विश्वासको पक्षमा मत दिने र सत्तामा पक्षमा बस्ने निर्णय छ‚' पार्टी प्रवक्ता जगन्नाथ खतिवडाले भने, 'सरकारमा सहभागी हुने विषयमा समेत परामर्श गर्नेछौं ।' प्रधानमन्त्री दाहालले सोमबार विश्वासको मत लिँने कार्यक्रम रहेको छ ।

प्रकाशित : चैत्र ५, २०७९ १३:४५
प्रतिक्रिया
पठाउनुहोस्
जनताको राय

सहकारी ठग्नेलाई कारबाहीको दबाब दिन प्रमुख विपक्षी दल कांग्रेसले गरेको सडक आन्दोलन घोषणालाई कसरी लिनुभएको छ ?