२१.१२°C काठमाडौं
काठमाडौंमा वायुको गुणस्तर: १९६

सिक्किमका नेपालीभाषीमाथि भारतीय अदालतले गरेको विवादास्पद टिप्पणी सच्यायो

पर्वत पाेर्तेल

झापा — चौतर्फी आन्दोलन र दबाबपछि भारतको सर्वोच्च अदालतले हालै गरेको एक फैसलामा सिक्किमका नेपालीभाषीलाई ‘विदेशी’ भनी गरेको टिप्पणी बुधबार सच्याएको छ ।

सिक्किमका नेपालीभाषीमाथि भारतीय अदालतले गरेको विवादास्पद टिप्पणी सच्यायो

सिक्किमका पुराना बासिन्दाहरुको संगठन एसोसिएसन अफ ओल्ड सेटेलस सिक्किम (एओएसएस) ले नेपाली, भुटिया र लेप्चा समुदायहरुलाई झै आयकर छुटको मागसहित सन् २०१३ मा सर्वोच्चमा मुद्दा दायर गरेको थियो ।

सर्वोच्चले गत जनवरी १३ मा उनीहरुको पक्षमा फैसला गरेको थियो । फैसलाका क्रममा सर्वोच्चले सिक्किमका वहुसंख्यक नेपालीभाषीलाई नेपालबाट आएका ‘विदेशी’ भनी टिप्पणी गरेपछि सिंगो भारतमा रहेको नेपालीभाषी समुदाय तरङ्गित बनेको थियो । सिक्किम लगायत क्षेत्रमा भने विशाल प्रदर्शन भएको थियो ।

केन्द्र र राज्य सरकारले छुट्टाछुट्टै रिट दायर गर्दै ‘विदेशी’ भन्ने शव्द सच्याउन सार्वोच्चसँग माग गरेको थियो । बुधबार सर्वोच्चको विशेष सुनुवाइले उक्त शव्द हटाउने निर्णय गरेको हो । न्यायाधीशद्वय एमआर साह र भीवी नागरत्नको संयुक्त इजलासपछि शव्द हटाउने निर्णय भएको हो ।

‘सिक्किमे जनताको भावना बुझेर तुरुन्तै मुद्दाको समाधान खोज्ने सर्वोच्च अदालतलाई धेरै धन्यवाद छ’, सर्वोच्चको निर्णयपछि सिक्किमका मुख्यमन्त्री प्रेमसिंह तामाङले ट्विटमा भने, ‘भारतीय न्यायपालिकाप्रति हाम्रो अथाह विश्वास थियो, रहिरहनेछ ।’

प्रकाशित : माघ २५, २०७९ २०:४८
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?