रविले पत्रकार सम्मेलनमा बोलेको कुराको जिम्मा लिन्‍नँ : अरनिको पाँडे

'हो, आइतबार रास्वपाले गरेको निर्णयमा मेरो सहमति छ । हामीले व्यापक छलफल गरेका थियौं', पाँडेले ट्विट गर्दै भनेका छन्, 'तर म पत्रकार सम्मेलनको तयारीको अंश थिइनँ र त्यसको कथ्य, त्यसको धारणा र त्यसको कमजोरीमा मेरो स्वामित्व छैन ।'

उनले युवा, सीमान्तकृत र नेपालको आशाका लागि रास्वपाका एक नेताको भावनाभन्दा माथि उठ्नु पर्ने बताए । रास्वपाले गृह मन्त्रालय नपाएपछि आइतबार सरकारबाट बाहिरिने निर्णय गरेको थियो । सो पत्रकार सम्मेलनपछि सभापति लामिछानेले सञ्चार माध्यम तथा सञ्चारकर्मीहरुलाई विभिन्न लान्छना लगाएका थिए ।