पोखरा अन्तर्राष्ट्रिय विमानस्थल सञ्‍चालनमा

तस्बिर : अंगद ढकाल

पोखरा — पोखरा अन्तराष्ट्रिय विमानस्थल आजदेखि सञ्चालनमा आएको छ । प्रधानमन्त्री पुष्पकमल दाहालले आइतबार विमानस्थलको उद्घाटन गरेका हुन् । पर्यटकीय नगरी पोखरामा आयोजित विशेष समारोहमा पानसमा दिप बालेर प्रधानमन्त्री दाहालले सो अन्तराष्ट्रिय विमानस्थलको औपचारिक उद्घाटन गरेका हुन् ।

त्यस अवसरमा उपप्रधानमन्त्री तथा अर्थमन्त्री विष्णु पौडेललगायतको उपस्थिति रहेको थियो । यसअघि त्यस क्षेत्रका हेलिकप्टरमार्फत् पुष्प वृष्टि गरिएको थियो । समारोहमा पोखराबासीको उत्साहजनक उपस्थिति रहेको छ । आज अन्तर्राष्ट्रिय उडान भने भएन । अन्तर्राष्ट्रिय उडान फागुन दोस्रो सातापछि मात्रै खुल्ने बताइएको छ ।अन्नपूर्ण हिमशृंखलाको आँगनमै बनेको अन्तर्राष्ट्रिय विमानस्थल उद्घाटनको खुसियालीमा पोखरा महानगरले आइतबार सार्वजनिक बिदा दिएको छ ।


प्रकाशित : पुस १७, २०७९ १४:०३
प्रतिक्रिया
पठाउनुहोस्

नयाँ राजधानीमा शासकीय चहलपहल

प्रदेश सभाको शपथ ग्रहणका लागि झण्डै १० करोड लागतमा तयार भएको प्रदेश सभा भवन सजाइएको छ
घनश्याम गौतम

देउखुरी, दाङ — लुम्बिनी प्रदेशको राजधानी दाङको देउखुरी सरेपछि यहाँ प्रादेशिक शासकीय गतिविधि सुरु भएको छ । मुख्यमन्‍त्रीको कार्यालयसहित ५ वटा मन्‍त्रालय यहाँ सरिसकेका छन् । लुम्बिनीको प्रदेश सभा पनि अब यहीबाट सञ्चालन हुँदैछ ।

लुम्बिनी प्रदेश सभामा नवनिर्वाचित सांसदहरुले आइतबार शपथ ग्रहण गर्दैछन् । अहिले देउखुरीमा चहलपहल बढेको छ । निर्वाचित प्रदेश सभा सदस्य, पार्टीका केन्द्र र प्रदेश स्तरीय नेता, प्रतिनिधि सभाका सदस्य, प्रदेशका पूर्व र बहालवाला मन्त्री, स्थानीय तहका जनप्रतिनिधि, सर्वसाधरण र पार्टीका नेता कार्यकर्ताको बाक्लो उपस्थिती देखिन्छ ।

नयाँ स्थानमा व्यवस्थापन भइरहेको राजधानी हेर्न आउनेहरूको संख्या पनि बढेको छ ।

देउखुरीमा भिड बढेपछि स्थानीय होटल भरिभराउ भएका छन । प्रदेश सभा र मन्त्रालय व्यवस्थापन भएको राप्ती प्राविधिक शिक्षालयको परिसरमा पनि भिड बढेको छ । प्रदेश सभाको शपथ ग्रहणका लागि झण्डै १० करोड लागतमा तयार भएको प्रदेश सभा भवन सजाइएको छ ।

सत्ता पक्ष र प्रतिपक्षका लागि कुर्सी व्यवस्थापनदेखि सभामुखको कार्यकक्ष समेत आधुनिक डिजाइनमा तयार गरिएको छ ।


प्रकाशित : पुस १७, २०७९ १३:५४
पूरा पढ्नुहोस्
प्रतिक्रिया
पठाउनुहोस्
×