खोपको असमान वितरणले न्यून आय भएका मुलुकमा सामाजिक-आर्थिक प्रभाव : परराष्ट्रमन्त्री खड्का
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — परराष्ट्रमन्त्री नारायण खड्काले खोपको असमान वितरणले न्यून आय भएका मुलुकमा सामाजिक-आर्थिक प्रभाव परेको बताए । न्युयोर्कमा संयुक्त राष्ट्र संघको ७६औं महासभालाई सम्बोधन गर्दै खड्काले नागरिकको जीवन रक्षाका लागि खोपलाई सार्वजनिक वस्तुका रूपमा घोषणा गरिनुपर्ने बताएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![खोपको असमान वितरणले न्यून आय भएका मुलुकमा सामाजिक-आर्थिक प्रभाव : परराष्ट्रमन्त्री खड्का](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/khadka-minister-2892021053400-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
संकटको समयमा आशा जगाउनु महत्त्वपूर्ण रहेको उनले बताए । 'मानव जीवन प्राथमिकतामा पर्नुपर्छ,' खड्काले भने । विभिन्न अवरोध र चुनौतीका बीच नेपालले कुल जनसंख्याको २० प्रतिशतलाई खोप लगाउन सफल भएको उनले बताए । कोरोना भाइरसविरुद्धको लडाइँमा संयुक्त राष्ट्र र विभिन्न मुलुकहरूले खेलेको भूमिकाको पनि खड्काले प्रंशसा गरे ।
मन्त्री खड्काले सबै रूपमा आतंकवादको पनि आलोचना गरे । उनले सामूहिक विनाशका सबैखाले हतियार निसश्त्रीकरण गर्नुपर्ने पनि बताए । 'कसैसँग पनि शत्रुता नराखी सबैसँग मित्रताको सिद्धान्तमा नेपालको विश्वदृष्टि तयार भएको पनि खड्काको भनाइ थियो । संयुक्त राष्ट्र संघको चार्टरको सिद्धान्त र उद्धेश्य, असंलग्न नीति, अन्तर्राष्ट्रिय कानुन र विश्व शान्तिका मान्यता नै नेपालको परराष्ट्र नीतिको आधार भएको उनले बताए ।
सम्बन्धित समाचार
प्रकाशित : आश्विन १२, २०७८ ०९:४९