उर्लाबारी युवक मृत्यु प्रकरण : थप एक प्रतिवादी पक्राउ

परियारलाई कानेपोखरी गाउँपालिका–७ रमाइलोबाट सोमबार राति नियन्त्रणमा लिइएको जिल्ला प्रहरी मोरङका प्रवक्ता मानबहादुर राईले बताए । उनलाई मंगलबार जिल्ला अदालतमा उपस्थित गराउने प्रहरीको तयारी छ । उक्त घटनामा अझै दुई जना उर्लाबारी ६ का राजेश रणपहेली र दीपेश पौडेल फरार रहेको र उनीहरुको पनि खोजी कार्य भइरहेको राईले बताए ।

हालसम्ममा उक्त घटनाका ६ जना प्रतिवादीमध्ये प्रहरीले परियारसहित ४ जनालाई पक्राउ गरेका छन् । उर्लाबारी ६–का रमेश गिरी, मेहरमान दर्जी र कुमार राईलाई पक्राउ गरी प्रहरीले अदालतमा उपस्थित गराइसकेका छन् । गिरी १ लाख र राई ३ लाख धरौटीमा छुटिसकेका छन् भने दर्जी पूर्पक्षका लागि थुनामा मोरङ कारागारमा छन् ।

उक्त घटनामा सत्यतथ्य लुकाएर दोषीलाई उन्मुक्ति दिने षडयन्त्र गरेको भन्दै परिवार विरोधमा उत्रेपछि प्रहरीले गत मंगलबार ६ जनाविरुद्ध जिल्ला अदालत मोरङमा कर्तव्य ज्यान मुद्दा दर्ता गराएको छ ।

मिसिलमा फोटो परिवर्तन भएको पुष्टि

मिसिल तयारी र घटनाको अनुसन्धानमा बेवास्ता गरेको भन्दै पीडित पक्षले आन्दोलनमा उत्रेपछि जिल्ला प्रहरी मोरङले प्रहरी नायब उपरीक्षक मानबहादुर राईको नेतृत्वमा तीन सदस्यीय छानबिन टोली गठन गरेको थियो । राईले सोमबार बुझाएको प्रतिवेदनमा मिसिलमा फोटो परिवर्तन भएको पुष्टि गरेको छ । मिसिलमा राखिएको फोटोमध्ये एउटा फोटो अर्कै घटनाका व्यक्तिको फोटो समावेश हुन गएको र त्यसलाई मानवीय त्रुटीको रुपमा प्रतिवेदनमा औंल्याएको छ ।

प्रदेश १ प्रहरी प्रमुख डीआइजी ईश्वरबाबु कार्कीले कुनैपनि घटनामा प्रहरीले बदनियत पूर्ण तरिकाले पेशागत मर्यादा विपरीत गर्न नसक्ने बताए । उनले सबैलाई आ–आफ्ना मर्यादाको भान हुन्छ त्यसलै प्रहरीको कामप्रति शंका नगरिदिन उनले सबैलाई आग्रह गरे ।

सम्बन्धित समाचारहरु :

• उर्लाबारी युवक मृत्यु प्रकरण : गिरीलाई एक लाख धरौटीमा छाड्न आदेश
• उर्लाबारी युवक मृत्यु प्रकरण : फरार प्रतिवादी गिरी पक्राउ
• उर्लाबारी युवक मृत्यु प्रकरण : बहिनी सदीक्षाको साहसले मुद्दा अदालतमा
• युवक हत्या प्रकरण : ६ जनामाथि कर्तव्य ज्यान मुद्दा दर्ता, दुई जनाको बयान सकियो
• हत्याको घटनामा फर्जी फाइल खडा गरेपछि उर्लाबारीमा प्रहरी कार्यालय घेराउ