तीर्थ भुसाल स्मृति राष्ट्रिय पत्रकारिता पुरस्कार यज्ञशलाई 

कान्तिपुर संवाददाता

नवलपरासी — यो वर्षको तीर्थ भुसाल स्मृति राष्ट्रिय पत्रकारिता पुरस्कार लेखक तथा पत्रकार यज्ञशलाई प्रदान गरिने भएको छ । 

ZenTravel

स्वर्गीय पत्रकार तीर्थ भुसाल स्मृति ट्रस्टले गैरआख्यान, साहित्य र पत्रकारिताको क्षेत्रमा सक्रिय भूमिका निर्वाह गरेको भन्दै यज्ञशलाई यो पुरस्कार दिने निर्णय गरेको जनाएको छ । ट्रस्टका अध्यक्ष प्राध्यापक झपेन्द्रेश्वर भुसालले पुरस्कार छनोट समितिको निर्णय अनुसार उनलाई सम्मान गर्न लागिएको जानकारी दिए ।

Meroghar


छनोट समितिमा भुसालसहित प्रध्यापक भूपेन्द्र शर्मा भट्राई (गण्डर्षि) र नवलपुर एफएमकी प्रबन्ध निर्देशक मुना दाहाल पनि थिए । समितिले पत्रकारिता र लेखनमार्फत् नेपाली समाजको बेग्लै चित्र उजागर गरेकाले उनलाई पुरस्कारका लागि योग्य ठानिएको बताएको छ । सोमबार कावासोतीमा आयोजना हुने एक समारोहमा उनलाई ताम्रपत्र र नगद राशिले सम्मान गरिने ट्रस्टले जनाएको छ ।

२०७४ मा प्रकाशित यज्ञशको गैरआख्यान कृति ‘भुइयाँ’का लागि उनले पहिचान पुरस्कार २०७४ र आबुखैरेनी वाङ्मय पुरस्कार पाएका छन् । उनले चर्चित भारतीय लेखक उदय प्रकाशका कृति मोहनदास (उपन्यास) र नेलकटर (कथा संग्रह) नेपाली भाषमा अनुवाद समेत गरेका छन् । उनले डेढ दशकभन्दा अघि पत्रकारिता थालेका थिए ।

पूर्वी नवलपरासीको कावासोतीमा रहेको नवलपुर एफएम १०४ दशमलव ७ मेगाहर्जका संस्थापक प्रबन्ध निर्देशक तीर्थराज भुसालको २ वर्षअघि दुर्घटनामा परि निधन भएको थियो । पत्रकारितामा स्नातकोत्तर भुसालले आफ्नै लगानीमा कावासोतीमा नवलपुर एफएमको स्थापना गरि संचालनमा ल्याएका थिए । नेपालमा एफएमबाट फेसबुक लाइभको ट्रेन्ड भुसालले नै नवलपुर एफएममार्फत पहिलो पटक सुरु गरेका थिए ।

रेडियोले उनै भुसालको स्मृतिमा साहित्य र पत्रकारितामा कलम चलाउने देशभरीका उत्कृष्ट श्रष्टालाई हरेक वर्ष यो पुरस्कार दिने व्यवस्था गरेको हो । गत वर्ष नवलपरासीकै कृयाशिल पत्रकार प्रेमचन्द्र रौनियारलाई यो पुरस्कार प्रदान गरिएको थियो ।

प्रकाशित : मंसिर २२, २०७६ २१:४३
ADVERTISEMENT
प्रतिक्रिया
पठाउनुहोस्

रुघाखोकीको औषधि बनाउने धूलो तस्करी

पक्राउ परेका चाओ न्युजिल्यान्डमा लगेर स्युडोइफेड्रिन बेच्ने तयारीमा थिए ।
कान्तिपुर संवाददाता

काठमाडौँ — रुघाखोकीको औषधि बनाउने रासायनिक पदार्थ स्युडोइफेड्रिन त्रिभुवन अन्तर्राष्ट्रिय विमानस्थल हुँदै तस्करी हुने गरेको भेटिएको छ । गिरोहले स्युडोइफेड्रिनको धूलो विदेश लगेर आइसड्रग (सेन्थेटिक ड्रग) बनाउन प्रयोग गर्ने गरेको नेपाल प्रहरीको लागूऔषध नियन्त्रण ब्युरोले बताएको छ । यसअघि मंसिर १३ मा प्रहरीले सोही लागूऔषधबाट निर्मित १ केजी २ सय ग्राम र असोज १४ मा १ केजी आइसड्रग बरामद भएको थियो ।

शनिबार ३१ वर्षीय चिनियाँ नागरिक झाङ चाओ ४ केजी २ सय ग्राम रसायन पदार्थसहित ठमेलबाट पक्राउ परेका छन्। नेपालमा उक्त धूलोको मूल्य २ लाख रुपैयाँ पर्छ। तर, न्युजिल्यान्डमा त्यसको मूल्य करिब ५० हजार अमेरिकी डलर पर्ने ब्युरोका अधिकारीले बताए। चीनबाट मंसिर १५ मा काठमाडौं आएका उनलाई ब्युरोले कार्गोबाट न्युजिल्यान्ड पठाउन लागिएको लागूपदार्थसहित समातेको हो। प्रहरीलाई दिएको बयानमा चाओले न्युजिल्यान्डमा लगेर बेच्ने तयारीमा रहेको उल्लेख गरेका छन्।

चीनबाट तेस्रो मुलुक जान कडाइ गरिएकै कारण नेपाली हवाईमार्ग हुँदै उनी उक्त लागूपदार्थ न्युजिल्यान्ड पठाउने तयारीमा थिए। चिनियाँ नागरिकबाट आइसड्रगको कच्चापदार्थ बरामद भएको घटना यो पहिलो रहेको ब्युरोका एसपी वीरेन्द्र बस्यालले बताए। पक्राउ परेका चाओ लागूऔषध तस्करीका मुख्य कारोबारी भएको ब्युरोको दाबी छ। यसअघि भारत हुँदै औषधि बनाउने कच्चापदार्थ आयात हुने गरेकोमा तस्करले चीन र अन्य मुलुकबाट पनि नेपाल हुँदै यसको तस्करी गर्न थालेको अनुसन्धानबाट देखिएको छ। पछिल्लो ६ वर्षमा मात्रै लागूऔषध तस्कर र नेपालका केही औषधि उत्पादक कम्पनीले स्युडोइफेड्रिनसहितको ४ सय ९४ केजी धूलो बरामद भएको थियो।

‘आयात र उत्पादनबीच तालमेल खान्छ कि खाँदैन भनेर अनुगमन र नियमन गर्ने हो भने औषधि बनाउने कच्चापदार्थको धूलो कति तस्करी हुन्छ भन्ने यकिन विवरण आउँछ,’ बस्यालले भने, ‘औषधि उत्पादनको नियमनमा औषधि व्यवस्था विभाग र कानुन कार्यान्वयन गर्ने निकायबीच संयुक्त पहल आवश्यक छ।’ गत वर्ष यस्तो पाउडर ६ सय ८४ ग्राम बरामद भएकोमा ०७४ मा ४ सय ९१ केजी र ०७१ मा १५ केजी बरामद भएको ब्युरोले जानकारी दिएको छ।

प्रकाशित : मंसिर २२, २०७६ २१:२६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×