माणिकरत्नलाई भैरव अर्याल स्मृति

कान्तिपुर संवाददाता

हेटौंडा — हास्यव्यंग्यकार भैरव अर्याल स्मृति सम्मान पुरस्कार लेखक एवं हास्यव्यंग्यकार माणिकरत्न शाक्यलाई प्रदान गरिएको छ । सिस्नुपानी नेपाल मकवानपुर र साहित्य संगम मकवानपुरद्वारा स्थापना गरिएको पुरस्कारबाट काठमाडौं निवासी शाक्यलाई सम्मान गरिएको हो । पुरस्कार राशि २१ हजार एक रुपैयाँ छ । 

ZenTravel

भैरव अर्यालको अर्धकदको सालिक रहेको पुष्पलाल पार्कमा शनिबार आयोजित कार्यक्रमका साहित्यकार गोविन्दराज विनोदीले शाक्यलाई पुरस्कार प्रदान गरे । यसअघि हास्यव्यंग्यकार मनोज गजुरेल, धुर्मुस–सुन्तली फाउन्डेसन, हास्यव्यंग्यकार राजकुमार लामिछानेलगायतलाई यो पुरस्कार प्रदान गरिसकेको छ । कार्यक्रममा हास्यव्यंग्यकार आरसी रिजाल र राजकुमार लामिछानेले प्रहसन प्रस्तुत गरेका थिए । केही साहित्यकर्मीहरूले व्यंग्य कवितासमेत वाचन गरे ।

Meroghar


प्रकाशित : मंसिर ९, २०७६ ०९:०८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सिफारिस समिति अनिर्णीत

कान्तिपुर संवाददाता

काठमाडौँ — संक्रमणकालीन न्यायसम्बन्धी दुई आयोगमा पदाधिकारी सिफारिस गर्न आइतबार बसेको सिफारिस समितिको बैठक बिनानिर्णय टुंगिएको छ ।

यसअघि सार्वजनिक गरिएका नाममाथि परेको उजुरीका सम्बन्धमा छलफल गर्नुपर्ने भएकाले निर्णय हुन नसकेको समितिकी प्रवक्ता शर्मिला कार्कीले जानकारी दिइन् । ‘पीडितका तर्फबाट एउटा उजुरी परेको रहेछ,’ उनले भनिन्, ‘त्यसबारे अध्ययन गरेपछि मात्रै निर्णय गर्नु उपयुक्त हुने देखिएकाले आजको बैठकमा सिफारिस हुन सकेन ।’ लामो समयदेखि रिक्त सत्य निरूपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगमा नियुक्तिका लागि समितिले गत साता ६१ उम्मेदवारको नामावली सार्वजनिक गरेको थियो ।

समितिले तिनै नामावलीमध्येबाट पाँच–पाँच पदाधिकारी सिफारिस गर्नुपर्नेछ । समितिमा राष्ट्रिय मानवअधिकार आयोगका सचिव वेदप्रसाद भट्टराईले सूचीबाट आफ्नो नाम झिकिपाऊँ भनी निवेदन दिएका छन् भने पीडितहरूको संगठन द्वन्द्वपीडित साझा चौतारीले सूचीमा प्रकाशित नामावलीका सम्बन्धमा एउटा उजुरी हालेको छ । ‘उजुरीको अध्ययन र आवश्यक परे छानबिनसमेत गरेपछि हामी अर्को बैठक बस्छौं र नाम सिफारिस गर्छौं,’ समितिका अर्का सदस्य प्रेमबहादुर खड्काले भने ।



प्रकाशित : मंसिर ९, २०७६ ०९:०५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×