कान्तिपुर वेबसाईट
AdvertisementAdvertisement

कापी

कथा
कान्तिपुर संवाददाता

एकादेशमा सुमन नाम गरेको एउटा बालक थियो  । उसको नेपाली विषयको कापी सकियो  ।

सुमनलाई बुबाले नयाँ नेपाली कापी किनिदिनुभयो । सुमनलाई नेपाली कापी फिटिक्कै मन परेन । उसले त्यो कापीमा केही नलेख्ने विचार गर्‍यो । एक दिन कोही नभएका बेला उसले नेपाली कापी च्यातिदियो । पछि विद्यालयमा नेपाली मिसले कापी माग्दा ऊ रुन थाल्यो । किन रोएको भनी मिसले सोध्नुभयो । उसले ‘मलाई नेपाली किताब मन पर्दैन त्यसैले च्यातेर फालिदिएँ’ भन्यो । मिसले सम्झाउनुभयो र घरमा पनि फोन गरिदिनुभयो । घर जानेबित्तिकै बुबाले ‘के भयो बाबु ?’ भनेर सोध्नुभयो । उसले बुबालाई पनि आफूले गरेका सबै कुरा भन्यो । बुबाले उसलाई सम्झाइबुझाइ गर्नुभयो । सुरुमा त उसले मुख बटार्दै थियो, पछि बुबाले राम्ररी सम्झाएकाले बुबासँग माफी माग्यो । अनि सुमनले ‘अबदेखि म कहिल्यै कुनै पनि किताब र कापी च्यात्दिनँ,’ भन्यो ।

- आरोग्य खनाल, कक्षा–१
नवोदय शिशु सदन, हेटौंडा–४ कमलडाँडा

प्रकाशित : मंसिर २२, २०७६ ११:५२
प्रतिक्रिया
पठाउनुहोस्

फूलबारी

कान्तिपुर संवाददाता

मेरो घर छेउमा एउटा फूलबारीआउँछन् जान्छन् पुतली रमाइलो पारी, फूलबारीमा फूल छन् धेरै थरीकालाग्छ पंख हुन् ती कुनै परीका ।

फूलबारीको छेउमा अग्ला–अग्ला रुख
चरीलाई घर बनाउन छैन कुनै दुःख,
मीठो रस खानलाई मौरी नाच्दै आउँछ
फूलबारीमा जाँदाखेरि मन रमाउँछ ।

मलाई धेरै फूलहरू हेर्ने रहर लाग्छ
फूलको रंग अनि सुबासले आँत मेरो जाग्छ,
तिमी पनि रंगीचंगी फूलपात हेर
कागजमा या मनमा तिनको चित्र कोर ।
- प्रशन्ना

प्रकाशित : मंसिर २२, २०७६ ११:५१
पूरा पढ्नुहोस्
प्रतिक्रिया
पठाउनुहोस्
×