आयामले देखेको बादल

कान्तिपुर संवाददाता

विद्यालय तहको अन्तिम दिनमा अध्यनरत नवोदित कवि प्रतिभा आयाम बस्नेत सानैदेखि स्वभावमा भावुक र अन्तरमुखी थिए ।


फुर्सदमा चित्र कोर्दै बस्थे । कथा–कविताका पुस्तक पढ्न वा गाउँघर डुल्न पनि रुचाउँथे । कलाकारितामा रुचि राख्ने बुबा सुन्दर बस्नेतसँग आउने कला–सर्जकहरूको संगत र उत्प्रेरणाले आयाम सृजनशील बन्दै गए । सुरुमा नेपाली भाषामा कथा–कविता लेखे पनि विद्यालयका साथीभाइको प्रेरणा र गुरुहरूको भरथेगमा उनले के बुझे भने, भावना र संवेदना व्यक्त गर्न जुन भाषा वा माध्यम प्रयोग गरे पनि हुने रहेछ । ‘मैले भने अंग्रेजी भाषाका माध्यमबाट आफ्ना भावना कवितामा उतारेको हुँ,’आयामले सुनाए ।
सुनसरी मूलघर भएका आयाम अहिले बूढानीलकण्ठ स्कुलमा कक्षा १२ मा अध्यनरत छन् । उनले लेखेका झन्डै ५ दर्जन छोटा कविताको संकलित संग्रह ‘क्लाउड्स’ हालै बूढानीकलकण्ठ स्कुलकै आफ्ना पुराना नेपाली गुरु रामबाबु सुवेदीबाट विमोचन गराएका छन् ।
बूढानीलकण्ठमैं २८ वर्ष नेपाली भाषा प्राध्यापन गरेर हालै अवकाश पाएका सुवेदीले आयामका कवितामा प्रकृतिप्रेम र सान्निध्यता स्पष्ट रूपमा देखिएको बताए । अंग्रेजी भाषामा रहेका कवितालाई नेपाली अनुवादमा समेत निकाल्ने योजना रहेको सांग्रिला प्रकाशन गृहले जनाएको छ ।
आयामको कविता लेखन शैलीमाथि समीक्षक डा.अभि सुवेदीले भनेका छन्, ‘साधारण विषयवस्तुमा पनि तर्क, कारणसहित आयाम कवितामा छाएका छन् । उनको कवितात्मक लयात्मकता र विम्ब–प्रतीकको प्रयोग पनि लोभलाग्दो छ ।’ आयामले कवितामा आफ्नो साथीसंगत, माहोल, जीवन र नबुझेको भविष्यका बारेमा कल्पनाशील बनेर लेखेका छन् । एक ठाउँमा आफ्ना पुराना साथीको सम्झनामा आयाम लेख्छन्—

‘ए मेरा पुराना साथीहरू
ठानेको छु— तिमीहरू आरामै छौ
आज म टाढा गइसकेको छु,
तर तिमीहरूको सुदिनको कामना गर्दर्र् ैछु
मलाई थाहा छ, मैले हिँड्नै पर्छ
तिमीहरूको सहयोगबिना नै
तर सधैं आश्वस्त होऊ साथी—
म तिमीलाई सम्झिरहनेछु ।’

प्रकाशित : मंसिर १५, २०७६ १०:१६
प्रतिक्रिया
पठाउनुहोस्
ADVERTISEMENT

दाइा हाल्दा

कविता
कान्तिपुर संवाददाता

खेतालाले मिलिजुलीमंसिरे गीत गाई,मियो गाडी खले खेतमाहाल्न थाले दाइँ ।


गोरु खोजी गाउँबाट
ल्याइयो तल्लो फाँटमा,
दाइँ हाल्न सुरु भयो
हिजो मध्यरातमा ।

खरैबाट धान झिक्दै
ठटाउनुभो दाइले,
‘दाइँबराइँदो’ भन्दै गोरु
खेद्न थाल्यो भाइले ।

दाइँ हालेर तयार भयो
परालको ठूलो भारी,
सबै मिली पुर्‍याइयो
धान–पराल खोलापारि ।
- अंकित खनाल, कक्षा–५
सिद्धिविनायक इंग्लिस बोर्डिङ स्कुल, तनहुँ

प्रकाशित : मंसिर १५, २०७६ १०:१६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×