मंसिरको मेलो
वर्षायाममा रोपेको धान
भएपछि पहेँलपुर,
हिउँदयाममा किसानले
थाल्छन् भित्र्याउने सुर ।
गाउँभरिका किसानहरूले
खेतमा धान काट्न थाले,
धान काटेर खरै हालौँ
भन्नुहुन्छ हाम्रा बाले ।
गाउँका दाइदिदी सबै
दाइँ हाल्न जुट्नुभयो,
ठुल्दिदीले नयाँ धान
ढिकीमा लगी कुट्नुभयो ।
दही–केरामा चामल मिसाई
घरमा मीठो न्वागी खाइयो,
मंसिर लागेसँगै घरमा
नयाँ अनाज पाइयो ।
मनीषा पौडेल, कक्षा–८
नवोदित विद्याकुञ्ज, काठमाडौं
प्रतिक्रिया
