दसैं बिदामा
नयाँ किताब किनौंला दसैं बिदामा,नयाँ साथी चिनौंला दसैं बिदामा ।
प्यारो गाउँमा पुगौंला दसैं बिदामा,
लेकबेंसी घुमौंला दसैं बिदामा ।
सरसफाइमा रमाउँला दसैं बिदामा,
ठिक्क मात्रै खाउँला दसैं बिदामा ।
खुसीको दीप बालौंला दसैं बिदामा,
नयाँ काम थालौंला दसैं बिदामा ।
पिङ खेलेर मच्चिउँला दसैं बिदामा,
गल्ती भए सच्चिउँला दसैं बिदामा ।
इन्द्रकुमार श्रेष्ठ
कमला कुञ्ज, ओखलढुंगा
प्रतिक्रिया
