पिङ खेली हाँस्ने हो

कान्तिपुर संवाददाता

नयाँ नाना लाउनेचिचीे पापा खाने,मामा घरमा जाने,भाइ पनि लाने  ।

पिङ खेली हाँस्ने हो
साथीसँग नाच्ने हो,
गाउाको घर जाने हो,
रातो टीका लाउने हो ।
िइसिका केसी, कक्षा ः ४
एसओएस हर्मनमाइनर स्कुल, काभ्रे

प्रकाशित : आश्विन १२, २०७६ १०:४८
प्रतिक्रिया
पठाउनुहोस्

कान्छा पौडीबाज

कान्तिपुर संवाददाता

साढे ५ वर्षका सुशान्त बोहराको हाउभाउ अन्य प्रतिस्पर्धीको तुलनामा भिन्न किसिमको थियो  । सानै भए पनि उनी जोसिला देखिन्थे  ।

साढे ५ वर्षका सुशान्त बोहराको हाउभाउ अन्य प्रतिस्पर्धीको तुलनामा भिन्न किसिमको थियो । सानै भए पनि उनी जोसिला देखिन्थे । हातखुट्टा हल्लाउँदै ‘स्टेचिङ’ गर्दै थिए । १८औं एलए इन्टर स्कुल च्याम्पियनसिपका प्रतिस्पर्धीमध्ये उनी सबैभन्दा कान्छा थिए । बाँके नेपालगन्जका सुशान्त स्प्रिङ डेला एकेडेमीको कक्षा १ मा पढ्छन् । चार वर्षकै उमेरदेखि पौडी खेल्न थालेका उनले दुई महिनाअघिबाट मात्र प्रतिस्पर्धाका लागि नियमित तयारी थालेका थिए । दाइ शुभान बोहरा पनि पौडी खेल्छन् । गुरु चन्द्रराम चौधरीसँग दैनिक तालिम लिइरहेका उनले भविष्यमा कुशल पौडीबाज बन्ने लक्ष्य राखेका छन् । हाल दिनहुँ बिहान ६ देखि ७ बजेसम्म उनी पौडी अभ्यास गर्छन् । दुई महिनामै ‘स्टोक’ मा आएको सुधार र उनको जोस जाँगर देखेर गुरुले अन्य १२ सहभागीसँगै काठमाडौं ल्याएर प्रतिस्पर्धामा भाग लिन लगाएका थिए ।
प्रतियोगितामा पदक जित्न नसके पनि उनी निराश देखिएनन् । अर्को वर्ष ‘राम्रो गर्ने’ अठोट उनले व्यक्त गरे । शरीरमा शक्ति बढाउन उनले गुरुको सल्लाहअनुसार काँचो चना, फलफूल, अण्डा र जीवनजल नियमित खान थालेका छन् । सानै उमेरमा सम्भावना देखाएकाले अबको ५ वर्षभित्र ‘होनाहार पौडीबाज’ बन्न सक्ने ठानेर गुरु चन्द्ररामले उनलाई नियमित तालिम दिइरहेका छन् ।
शब्द/तस्बिर ः श्रुति श्रेष्ठ

प्रकाशित : आश्विन १२, २०७६ १०:४८
पूरा पढ्नुहोस्
प्रतिक्रिया
पठाउनुहोस्