व्याकरण बुझौं
व्यक्ति, जाति, ठाउँ समूह आदि बुझाउने नामजस्तै हात्ती, खोला, जुलुस, राम अनि श्याम ।
सर्वनाम भन्ने कुरा
नामको सट्टा आउँछ
जस्तैः म भन्ने शब्दले
प्रशान्त बुझाउँछ ।
रातो, पिरोजस्ता शब्द
विशेषणमा पर्छन्
यी शब्दले नाम–सर्वनामका
विशेषता बुझाउँछन् ।
काम बुझाउने, वाक्य टुंग्याउने
काम क्रियापदले गर्छ
जस्तैः पढ्छ, खान्छ, सुत्छ
अनि पँधेरोमा जान्छ ।
वाक्य वा शब्द जोड्ने
संयोजकको काम ठूलो छ
अनि पनि संयोजक हो
नबिर्सनू ल ।
नाम–सर्वनाम सँगै जोडिने नामयोगी,
क्रियाको व्याख्या गर्ने क्रियायोगी हुन्छन्
अर्थ नहुने निपातले त
वाक्य मीठा पार्छन् ।
आश्चर्य, खुसी, दुःख,
घृणा बुझाउने विस्मयादि
आज यति मात्र बुझौं,
अरू भने भरेभोलि ।
प्रशान्त पन्थी
कक्षा–८, सगरमाथा एजुकेसनल एकेडेमी
प्रतिक्रिया
