साना–साना हातले
साना–साना हातले, कुची समाउँछौं, राम्रो चित्र बनाई, कोठा सजाउँछौं ।
साथी–साथी मिलेर, पढ्छौं किताब,
गल्ती हामी गर्दैनौं, गर्छौं हिसाब ।
हातेमालो गरेर, हिँड्छौं अगाडि,
उन्नतिमा जुट्नुछ, हुन्नौं पछाडि ।
मीठो–मीठो बोलेर, मन जित्नुछ,
अघि बढ्छ समय, राम्रो चिन्नुछ ।
को हो आफ्नो पराई, हामी मान्दैनौं,
भेदभाव सहन, हामी जान्दैनौं ।
साना–साना हातले, कुची समाउँछौं,
राम्रो चित्र बनाई, कोठा सजाउँछौं ।
डा. मुकुन्द पथिक
प्रकाशित : जेष्ठ २६, २०७६ १०:३६प्रतिक्रिया