दसैं-तिहार नजिक आयो : कोभिडको समयमा सार्वजनिक यातायातमा कसरी यात्रा गर्ने ?

छोटो तथा लामो दुरीका यात्रा गर्दा धेरै कुरामा सावधानी अपनाउनुपर्छ । कसरी सावधानी अपनाउने ?

यात्रुहरुले के गर्ने, के नगर्ने ?

• बसमा यात्रा गर्दा अनिवार्य रुपमा मास्क लगाउने ।
• सिटहरुमा दुरी (कम्तीमा २ मिटर) कायम गरेर बस्ने ।
• यात्रुहरुले आफूसँग पनि स्यानिटाइजर बोक्ने र गाडी चढेपछि र ओर्लिएपछि स्यानिटाइजरले हात सफा गर्ने ।
• गाडी चढ्दा लाइन लागेर मात्र गाडी चढ्ने ।
• सकेसम्म खुद्रा पैसाको व्यवस्था आफैं गरेर दिँदा सजिलो र जोखिमरहित हुन्छ ।
• लामो दूरीको टिकट सकेसम्म अनलाइन खरिद गर्ने । टिकट किन्न जाँदा पनि दूरी कायम गरेर किन्ने।
• बस स्टप तथा बाटोमा खानेकुरा नकिन्ने र आवश्यक सामान आफौसँग बोक्ने ।
• झ्यालहरु खुला राखेर बस्नुपर्छ ताकि हावा आवतजावत् होस् ।
  
• सकेसम्म अत्याधिक व्यस्त हुने समयमा यात्रा नगर्ने र अत्यधिक चाप रहने रुटतिर नजाने ।
  
• अनावश्यक रुपमा बस, ट्याक्सी लगायतका सवारी साधनका झ्याल ढोकाको डण्डी तथा सिट नछुने । छोएमा हातमा स्यानिटाइजर लगाउनुपर्छ ।
  
• बसमा निःशुल्क दिइने पानीका बोतल, पत्रिका लगायतहरु नलिने ।
  
• बसमा घरीघरी मास्क खोलेर खानेकुरा नखाने ।

चालक तथा सहचालकले के गर्ने, के नगर्ने ?

• चालक तथा सहचालकले पनि यात्रुलाई दुरी कायम गरेर बस्न लगाउने गर्नुपर्छ ।
• गाडीहरुमा चढ्दा ढोकाछेउमा स्यानिटाइजर उपलब्ध गराउनु राम्रो हुन्छ ।
• गाडीमा यात्रु चढाउँदा र ओराल्दा लाइन लागेर चढ्न र ओर्लन प्रेरित गर्ने ।
• सार्वजनिक सवारी साधनले यात्रु चढाउँदा र ओराल्दा तोकिएको स्थानको मात्रै प्रयोग गर्नुपर्छ ।
• सहचालकहरुले स्टपहरुको बारेमा जानकारी दिइराख्ने, ठूलोठूलो स्वरमा बोल्नुपर्ने, पैसा उठाउनुपर्ने भएकाले अझ जोखिममा हुन्छन् । उनीहरुले पटक-पटक हातले मास्कहरु तलमाथि नगर्ने । थुक लगााएर पैसा नगन्ने ।
• झ्यालहरु खुला राख्न यात्रुलाई आग्रह गर्ने ताकि हावा आवतजावत् होस् ।
• लामो दूरीको टिकट अनलाइन बिक्री गर्ने व्यवस्था मिलाउने । टिकट काउन्टरमा भिड गर्न नदिने र दूरी कायम गराउने ।
• चालक तथा सहचालकले पनि अनिवार्य रुपमा मास्क, भाइजर तथा पञ्जा लगाएर सवारीसाधन चलाउनुपर्छ ।
  
• बसमा घरीघरी मास्क खोलेर नबस्ने ।
  
• समय समयमा स्यानिटाइजर हातमा लगाउने ।
  
• हरेक टिपपछि सवारी साधनहरु स्यानिटाइज गरिए संक्रमणको जोखिम कम हुन्छ ।