कृत्रिम गुलियो जोखिमयुक्त 

‘करेन्ट एथेरोस्क्लेरोसिस रिपोर्टमा प्रकाशित अनुसन्धानअनुसार जो व्यक्ति ‘लो क्यालोरी स्विटनर’ (कम क्यालोरी भएको गुलियो) को उपयोग गर्छन्, उनीहरूको तौल घट्नुको सट्टा बढ्ने आशंका बढी हुन्छ । सँगै यो टाइप–२ मधुमेहको कारणसमेत बन्न सक्छ । अनुसन्धानअनुसार पछिल्लो दुई दशकमा बच्चामा स्विटनरको उपयोग दुई सय प्रतिशत र वयस्कमा ५४ प्रतिशतले बढेको छ ।

अमेरिकामा ७ वर्षसम्म ५ हजार एक सय ५८ वयस्कमा अनुसन्धान गरियो । यसमा के पाइयो भने जो व्यक्तिले बढी मात्रामा ‘स्विटनर’को सेवन गरे, उनीहरूको तौल यसको उपयोग नगर्नेको दाँजोमा बढी वृद्घि भयो । विश्वभरि कृत्रिम गुलियोको बजार २४ हजार ९६ सय करोड रुपैयाँको छ । ‘लो क्यालोरी स्विटनर’ मा क्यालोरीरहित गुलियोपना हुन्छ ।

यसअघि भएको क्लिनिकल ट्राइलमा पाइएको थियो कि कृत्रिम गुलियो तौल कम गर्छ तर हालको अनुसन्धानमा यसको उल्टो असर देखिएको छ ।

‘कृत्रिम गुलियो’को सेवन गरेपछि व्यक्ति विशेषले सोच्छन् आफूले रुचाएको मिठाई सेवन गर्न सकिन्छ ।