कानुनी झमेलामा अजयको ‘तानाजी’
बलिउड अभिनेता अजय देवगनको प्रदर्शोन्मूख फिल्म ‘तानाजी’ कानुनी झमेलामा परेको छ । पछिल्लो समय बलिउडमा ऐतिहासिक विषयमा बनेका थुप्रै फिल्म जस्तै यसलार्ई पनि धर्म र जातिको नाममा खुलेको संगठनले चुनौती दिएको हो ।
यो फिल्म मराठा योद्धा तानाजी मालसुरेको जीवनीमा आधारित छ । फिल्ममा अजयले तानाजी र उनकी पत्नी काजोलले तानजीकी पत्नीको भूमिकामा अभिनय गरेका छन् ।
अखिल भारतीय क्षेत्रीय कोली राजपुत संघ नामक संगठनले तानाजीका पुर्खाबारे तथ्यहरु लुकाइएको भन्दै दिल्ली हाइकोर्टमा फिल्मका निर्देशक ओम राउतविरुद्ध उजुरी दिएका हुन् । यसको डिसेम्बर १३ मा सुनुवाइ हुने भएको छ ।
संजय लिला भन्सालीको ‘पाद्मावत’देखि आशुतोष गोवारिकरको ‘पानीपत’सम्म ऐतिहासिक विषय वा व्यक्तिमाथि बनेका फिल्महरुले मुद्दा मामिला झेल्दै आएका छन् ।
दीपिका पादुकोणको ‘छपाक’सँग एकै दिन जनवरी २० मा यो फिल्म रिलिज हुँदैछ । फिल्ममा सैफअलि खान खलनायकको रुपमा देखिदैछन् ।
प्रकाशित : मंसिर २९, २०७६ १३:५०