हलमा बल्लतल्ल एउटा नेपाली फिल्म !

काठमाडौँ — पुस महिनाभर हलले नेपाली फिल्मको मुख देख्न पाएनन् । यसबीच हलमा बलिउड र हलिउड फिल्मले राज गरे ।

पछिल्लो समय प्रदर्शनमा आएका हलिउड फिल्म 'स्टार वार्स', 'जुमान्जी' तथा बलिउड फिल्म 'गुड न्यज', 'छपाक', 'तानाजी'ले नेपाली बक्स अफिसबाट व्यवसायिक सफलता पाइरहँदा भने नेपाली फिल्मको भने शून्य सहभागिता देखियो ।

पुस महिनापछि त हलमा नेपाली फिल्मको खडेरी नै लागेको थियो। नामै नसुनिएका फिल्मले यी फिल्महरुसँग प्रतिस्पर्धा गर्न सकेन । व्यवसायका हिसाबले पनि विदेशी फिल्मसँग कुनै नेपाली फिल्म प्रतिस्पर्धामा आएनन् ।

माघ महिनामा बल्लतल्ल नेपाली फिल्मले आफ्नो उपस्थिति जनाएको छ । माघ ३ मा '१२ सत्ताइस' नामक फिल्म प्रदर्शनमा आउँदैछ । तर, यसले ठूला विदेशी फिल्मलाई टक्कर दिनसक्नेमा धेरैले विश्वास गरेका छैनन् ।