‘दी कर्मा’ माघमा

कान्तिपुर संवाददाता

काठमाडौँ — लामो समयदेखि नेपाल र भारतको सीमाक्षेत्र विवादित छ । कहिले सुस्ता, महेशपुर त कहिले कालापानी । यही सीमा क्षेत्रमा हुने आपराधिक घटनामा आधारित फिल्म ‘दी कर्मा’ ले भने माघ १७ लाई आफ्नो रिलिज डेट तय गरेको छ । अफिसियल पोस्टर रिलिज गर्दै फिल्म युनिटले रिलिज मिति तोकेको हो ।

ZenTravel

देवकुमार श्रेष्ठले निर्देशन गरेको फिल्ममा भारतीय कलाकारले पनि अभिनय गरेका छन् । जय मिडिया म्यानेजमेन्ट र श्रीत मिडिया एन्ड इन्टरटेन्मेन्टको ब्यानरमा बनेको फिल्म जयराज राय, श्रीदेव बीएल र निशा खतिवडाले निर्माण गरेका हुन् । शारदा खड्का अर्याल सह–निर्माताका रूपमा छन् । रामेश्वर कार्कीले छायांकन रहेको फिल्म नेपालको तराई क्षेत्रमा खिचिएको हो ।

Meroghar


भारतका मोडल तथा कलाकार करण बर्माको समेत अभिनय रहेको चलचित्रमा निता ढुंगाना, परमिता राज्यलक्ष्मी राणा, बुद्धि तामाङ, देवकुमार श्रेष्ठ, अनुप सक्सेना, संगीता नापितलगायतको अभिनय छ । चलचित्रको पटकथा तथा संवाद सुशील पोखरेलले लेखेका हुन् ।

प्रकाशित : मंसिर ४, २०७६ ०९:४१
प्रतिक्रिया
पठाउनुहोस्
ADVERTISEMENT

‘चपली हाइट ३’ मा स्वस्तिमा

कान्तिपुर संवाददाता

ललितपुर — फिल्म ‘चपली हाइट ३’ को मंगलबार ललितपुरस्थित कार्यविनायक मन्दिरमा मुहूर्त गर्दै निर्माण घोषणा गरिएको छ । अर्जुनकुमारको निर्माण रहने उक्त फिल्मलाई निकेश खड्काले निर्देशन गर्ने भएका छन् । फिल्ममा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतीक श्रेष्ठ मुख्य भूमिकामा हुनेछन् भने दयाहाङ राई र अर्पण थापा पनि विशेष भूमिकामा रहने निर्माण पक्षले जानकारी दियो ।

‘मैले यसअघि गरेका फिल्म र चरित्रभन्दा यो अलिक फरक खालको छ,’ कार्यविनायकमा पूजापाठपछिको कुराकानीमा अभिनेत्री खड्काले भनिन्, ‘त्यसैले पनि म अझै पूर्णत: तयार भइसकेकी छैन । अलि कन्फ्युज्ड नै छु । सम्भवत: फिल्म फ्लोरमा जाँदासम्म यसमा प्रस्ट हुनेछु ।’

क्राइम थ्रिलर जानराको उक्त फिल्म एक दुर्घटनापछिको हत्या र हत्याराको खोजीमा केन्द्रित छ । बिहीबारदेखि छायांकनमा जाने बताइएको फिल्म काठमाडौंवरिपरि नै खिचिने बताइएको छ । पुरुषोत्तम प्रधानको छायांकन रहनेछ ।

प्रकाशित : मंसिर ४, २०७६ ०९:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×