देशभर जम्मा ६ लाख ल्यान्डलाइन फोन प्रयोगमा

विगत आठ महिनाको अविधिमा फिक्स्ड टेलिफोनको संख्या २ लाख २६ हजारले घटेको आर्थिक सर्वेक्षणले देखाएको छ । मोबाइल फोनको संख्या भने आठ महिनामा ९ लाख २ हजारले बढेको देखिन्छ । सञ्चार तथा सूचना प्रविधि मन्त्रालयको तथ्यांकअनुसार २०८० फागुनसम्म ३ करोड ४८ लाख ५० हजार मोइबाल फोन प्रयोगमा रहेका छन् । गत आवको असारमा ३ करोड ३९ लाख ४८ मोबाइल फोन प्रयोगमा थिए ।

आर्थिक सर्वेक्षणले २०८० को फागुनसम्म देशभर कुल ३ करोड ५४ लाख ५९ हजार टेलिफोन प्रयोगमा रहेको देखाएको छ । २०८० असारसम्म यो संख्या ३ करोड ४७ लाख ८३ हजार रहेको थियो । आर्थिक वर्ष २०७७/७८ को असारमा ३ करोड ६ लाख ७४ हजार मोबाइल फोन प्रयोगमा रहेको देखिन्छ भने त्यो बेला ७ लाख ८३ हजार ल्यान्डलाइन फोन प्रयोगमा थिए ।