डा. प्रज्वल पुडासैनी

डा. पुडासैनी निजामती कर्मचारी अस्पताल (सिभिल अस्पताल) तथा भक्तपुर स्किन एण्ड कस्मेटीक सेन्टर (बीएससीसी) मा छालारोग विशेषज्ञका रुपमा कार्यरत छन् ।

डा. प्रज्वल पुडासैनीका लेखहरु :

छालामा सनस्क्रिन प्रयोग किन आवश्यक छ ? 

सनस्क्रिन भनेको घामबाट बच्नको लागि प्रयोग गरिने क्रिम हो । घाममा विभिन्न हानिकारक विकरणहरु हुन्छन् । जस्तै ‘अल्ट्राभोइलेट ए’(युभिए), युभिबि आदि । युभिएले छालालाई कालो बनाउन सक्छ । जस्तै चर्को घाममा स्वीमिङ गर्दा छाला डढ्न सक्छ । यी विकीरणहरुले फोटो एजिङ गराउँछन् जसले अनुहारमा चाउरीपना आउने, कालो दाग बस्ने, छालालाई आफ्नो उमेरभन्दा वृद्ध उमेरको देखाउँछ ।

सेतो दुबी छुँदैमा सर्दैन

जुन महिनालाई सेतो दुबी सचेतना महिनाका रुपमा  विशेषत: अमेरिकी प्रान्तमा मनाइए पनि विश्वभर नै  सेतो दुबीको सचेतना जगाउन आवश्यक छ । विश्वको करिब एक प्रतिशत जनसंख्यालाई भएको यो रोगमा छालालाई कालो वा खैरो रंग प्रधान गर्ने मेलनओसाईट नामक कोषिकामा वंशाणुगत र वातावरणका कारणले असर गर्ने गरेको पाइएको छ ।

मंकीपक्सबारे जान्न पर्ने तथ्य

विश्वका १२ युरोपेली देशमा ९२ जनामा पुष्टि भइसकेको मंकीपक्स रोग चासोको विषय बनेको छ । कोभिडले आक्रन्त पारेको विश्वलाई मंकीपक्स फेरि एक चुनौती बन्ने हो कि भन्ने डर हामी सबैमा रहेको छ।

कपाल प्रत्यारोपणबारे जान्नुपर्ने केही कुरा 

कपाल हाम्रो अनुहार, व्यक्तित्व र आवरणका लागि महत्त्वपूर्ण छ । तर विश्वभर नै पुरुषहरुमा हुने तालुपना एउटा ठूलो समस्याका रुपमा रहेको देखिन्छ । यसबाट महिलाहरु पनि प्रभावित छन् । यद्यपि उनीहरुको संख्या पुरुषको तुलनामा केही कम छ । अत्याधुनिक प्रविधिको विकास भएसँगै अब धेरै हदसम्म तालुपनाबाट छुट्कारा प्राप्त गर्न सकिन्छ । विशेष गरेर जो मानिस तालुपनाले गर्दा आफ्नो स्वरुपको बारे चिन्तित छन् र मानसिक तनाव झेलिरहेका छन् उनीहरुलाई कपाल प्रत्यारोपण विकल्प बनिरहेको छ ।

कपाल झर्ने समस्याको उपचारका लागि गरिने पीआरपी विधि कस्तो हो ?

पीआरपी (प्लेट्लेट्स रिच प्लाज्मा) इन्जेक्सन विधि मानिसको आफ्नै रगत निकाली त्यसलाई औषधिको रुपमा प्रयोग गरिने विधि हो ।  यसको विभिन्न प्रयोगहरू चिकित्साविज्ञानमा हुँदै आएको वर्षौं भइसकेको छ । साथै, कपाल उमार्नका लागि यसको प्रयोग पनि केही समययता निकै प्रचलित हुँदै आएको छ ।

होली खेल्दा छालालाई जोगाउने केही उपाय

जाडोलाई बिट मार्दै वसन्त ऋतुको आगमनसँगै हामी सबैमा नयाँ उमङ्ग छाएको छ। वसन्त ऋतुमै पर्ने होली पर्वसँग हामी सबैको धार्मिक र सांस्कृतिक महत्त्व जोडिएको छ। रंगहरुको पर्व होलीमा प्रयोग गरिने विषाक्त रंगले भने मानिसको शरीरमा अल्पकालीन तथा दिर्घकालिन असर पार्न सक्छ ।

छालाको दीर्घरोगले पनि हुनसक्छ मानसिक समस्या

छालाका दीर्घरोग र मानसिक स्वास्थ्य अन्तरसम्बन्धित छन् । छालाका दीर्घरोगमा हुने मानसिक अस्वस्थताबारे धेरै अनभिज्ञ छन् । अनुसन्धानहरूमा करिब ४० प्रतिशत छालाका दीर्घरोगीलाई कुनै न कुनै किसिमको मानसिक अस्वस्थता हुने देखिएको छ ।

कुष्ठरोगीलाई तिरस्कार होइन‚ उपचार गरौं

हरेक अंग्रेजी वर्षको जनवरी महिनाको ३० तारिखमा विश्व कुष्ठरोग दिवस मनाइन्छ । यो वर्ष 'मर्यादाका लागि एकता'को नारा लिएर कुष्ठरोग दिवस मनाइँदै छ । मुलत: कुष्ठरोग भएका बिरामी तथा जनचेतना प्रदान गर्नुका साथै कुष्ठरोग भइसकेका बिरामीलाई हेला र तिरस्कारबाट बचाउने धेयले यो दिन मनाउन थालिएको हो ।

शरीर चिलाउने रोग 'एटोपिक डर्माटाइटिस' बारे थाहा पाउनुपर्ने कुराहरू

एटोपिक डर्माटाइटिस संसारमा धेरै मानिसहरुमा देखिने छालाको इन्फ्लामेटोरी रोग हो । एटोपिक डर्माटाइटिस बालबालिका र वयस्कहरुमा देखिन सक्ने भएतापनि धेरैजसो एक वर्षभन्दा मुनिका शिशुहरुमा देखिने गर्दछ । करिब ८० प्रतिशत बालबालिकाहरु ६ वर्षको उमेर पार गर्नु अघि नै यो रोगको शिकार हुने गर्दछन् ।