बैजयन्ती पोखरेल

बजेट भाषण सुन्दै गरेका बेला अर्थमन्त्रीले प्रदेश र स्थानीय तहका छोरीहरूका लागि ‘प्रधानमन्त्री छोरी आत्मनिर्भर कार्यक्रम’ घोषणा गर्दा १५ वर्षीया छोरीले प्रश्न गरिन्, ‘मामु, यसपालि छोरीहरूका लागि पनि बजेट छुट्याइएको हो ?’ मैले बुझाइदिएँ । उनले पुनः प्रश्न गरिन्, ‘प्रधानमन्त्रीले आफ्नो पैसाबाट छोरीहरूका लागि कार्यक्रम दिनुहुन्छ अब ?’ मैले भनें, ‘होइन राष्ट्रको बजेटबाट छोरीहरूका लागि पनि बजेट छुट्याइएको रे ।’ छोरीले थपिन्, ‘त्यसो भए त्यो कार्यक्रमको नाम नेपाल छोरी कार्यक्रम हुनुपर्ने होइन र ?’ जिज्ञासु छोरीको तर्क मन पर्‍यो र ‘हो नि, नेपाल छोरी कार्यक्रम नै हुनुपर्ने’ भनिदिएँ ।