रहेनन् मदन दीपविम

७० वर्षीय दीपविमको सोमबार बिहान सानम्याटियो अस्पतालमा उनको निधन भएको हो । २८ दिनअघि क्यालिफोर्नियाको एक मन्दिरमा भजन गाएर घर फर्किने क्रममा हृदयाघात भएको थियो ।

मदनका ज्वाइँ सोम सुसेलीका अनुसार दीपविम ७ वर्षदेखि अमेरिकामा थिए । रेडियो नेपालमा वरिष्ठ संगीतकारको रूपमा काम गरेका दीपविमले १५ सयभन्दा बढी गीतमा संगीत दिएका छन् । रेडियो नेपालपछि म्युजिक नेपालमा काम गर्दा गदै उनी अमेरिका गएका थिए । श्रीमती शिवा बस्नेत, छोरी ममता दीपविमसँगै सानफ्रान्सिस्कोमा बस्दै आएका थिए । श्रीमती र छोरी गायन क्षेत्रमै छन् ।