कान्तिपुर वेबसाईट
AdvertisementAdvertisement

भारोत्तोलनमा नेपालका सागरले रजत र पुकारले कांस्य जिते 

दीपक परियार

पोखरा — १३ औं दक्षिण एसियाली खेलकुद (साग) अर्न्तगत भारोत्तोलनमा नेपालले आइतबार थप १ रजत र  १ कांस्य पदक जितेको छ । नेपालका लागि सागर भण्डारीले पुरुष १०९ केजी तौल समूहमा रजत पदक हात पारे । सो प्रतियोगितामा पाकिस्तानी खेलाडी हन्जाला दस्तगीर वुटले स्वर्ण जिते ।

उनले स्न्याचतर्फ १५० र क्लीन एण्ड जर्कमा १८१ सहित कुल ३३१ किलो भार बहन गरे । नेपालका बिजेता सागरले राष्ट्रिय रेकर्डसहित रजत जितेका हुन् । उनले स्न्याचतर्फ १२० र क्लीन एण्ड जर्कमा १५५ गरी कुल २७५ तौल उठाए ।


सागरले यसअघि सागको छनोट चरणमा आफ्नो नाममा लेखाएको तीनै विधाको रेकर्ड भंग गरेका नेपाल भारोत्तोलन संघका प्रवक्ता रुकेश तण्डुकारले जानकारी दिए ।


प्रतियोगितामा बंगलादेशका खेलाडी मोहम्मद अब्दुल्लाह अई मुमिनले स्न्याचतर्फ १२० र क्लीन एण्ड जर्कमा १४७ सहित कुल २६७ तौल उठाएर कांस्य पदक जिते ।


आइतबार नै भएको १०९ प्लस केजी तौल समूहमा पाकिस्तानका मोहम्मद नुह दस्तगीर वुटले स्वर्ण जितेका छन् । उनले स्न्याचमा १६५ र क्लीन एण्ड जर्कमा २१५ गरी कुल ३८० तौल उठाएका हुन् । यो तौल जारी संस्करणको सर्वाधिक भार बहन हो ।


यो प्रतियोगितामा श्रीलंकन खेलाडी डब्लु पी यू चरुकाले रजत जिते । उनले स्न्याचमा १४० र क्लीन एण्ड जर्कमा १८० गरी कुल ३२० भार बहन गरे । स्न्याचतर्फ १३२ र क्लीन एण्ड जर्कमा १४३ केजी गरी कुल २७५ तौल भार बहन गर्दै नेपालका खेलाडी पुकार गुरुङले कांस्य पदक जिते ।


नेपालका लागी रजत र कास्य जित्ने दुवै खेलाडीले समान २७५ तौल उठाए । पुकारका लागी स्न्याच विधामा राष्ट्रिय रेकर्ड हो ।


प्रकाशित : मंसिर २२, २०७६ १४:१९
प्रतिक्रिया
पठाउनुहोस्

बम विस्फोट गराई फरार चन्द समूहका कार्यकर्ता पक्राउ

कान्तिपुर संवाददाता

काठमाडौँ — झापाको बिर्तामोडस्थित सहारा नेपाल बचत तथा ऋण सहकारी संस्था लिमिटेडको निर्माणाधीन भवनमा बम बिष्फोट गराई फरार याम कुमार गिरीलाई प्रहरीले पक्राउ गरेको छ ।

उनलाई महानगरीय प्रहरी परिसर टेकुबाट खटिएको विशेष टोलीले शुक्रबार बेलुका काठमाडौंको तिनकुनेबाट पक्राउ गरेको प्रहरी उपरीक्षक सुशीलसिंह राठौरले जानकारी दिए ।

गिरीसहितको समूहले गत भदौ २३ गते सहकारीको निर्माणाधीन भवनमा बम विस्फोट गराएका थिए ।

नेत्रविक्रम चन्द समूहका झापा जिल्ला सदस्य ३७ वर्षीय गिरी जिल्ला झापा शिवसताक्षी नगरपालिका पाँचगाछीका स्थायी बासिन्दा हुन्

प्रकाशित : मंसिर २२, २०७६ १३:५१
पूरा पढ्नुहोस्
प्रतिक्रिया
पठाउनुहोस्
×