उसुको थाइचीमा रेफ्रीमाथि धाँधलीको आरोप, मञ्चमै खेलाडी र अफिसियलको 'धर्ना' [तस्बिरहरु]

नेपाली सेनाको लगनखेलस्थित शारिरिक तथा खेलकुद तालिम केन्द्रमा भएको थाइचीमा भारतीय टोलीका सदस्यहरु रेफ्रीहरुले दिएको अंकमा चित्त नबुझेकोभन्दै त्यसको विरोधमा म्याटमा नै बसिदिएका छन् । भारतीय र नेपाली पक्षले विरोध जनाएसँगै उसुका खेलहरु केहीबेर देखि रोकिएका छन् ।

थाइचीतर्फ श्रीलंकाका खेलाडीले बिगारेपनि सोही खेलाडीलाई बढी अंक दिएर जिताएको दाबी भारत र नेपालको छ । श्रीलंकाका खेलाडीलाई तारिदु नमल अनुराथालाई रेफ्रीहरुले १८.९ अंक दिएका छन् भने भारतीय खेलाडी ज्ञानदास सिंह १८.७९ अंक दिएका छन् । यस्तै नेपाली खेलाडी हरीप्रसाद गोलेले १८.४९ अंक प्राप्त गरेका छन् ।