महिला १० हजार मिटर दौडमा स्वर्ण जित्दै सन्तोषीले रचिन् इतिहास, एथलेटिक्समा स्वर्ण जित्ने पहिलो नेपाली महिला

कान्तिपुर संवाददाता

काठमाडौँ — १३ औं सागको एथलेटिक्सको महिला १० हजार मिटर दौडमा नेपालकी सन्तोषी श्रेष्ठ स्वर्ण जितेकी छिन् । निर्धारित दुरी ३५ मिनेट ७.९४ सेकेन्डमा पुरा गर्दै उनले स्वर्ण जितेकी हुन् । उनले भारतकी कविता यादवलाई मात्र केही मिलीसेकेन्डले उछिन्दै स्वर्ण हात पारेकी हुन् । यादवले ३५ मिनेट ७.९५ सेकेन्डमा दौड पुरा गरेकी थिइन् ।

एथलेटिक्समा स्वर्ण जित्ने सन्तोषी पहिलो नेपाली महिला खेलाडी हुन् ।


यो स्पर्धामा भारतकी पविता यादाले रजत र श्रीलंकाकी निलाथीले कास्य हात पारेका छन् ।

प्रकाशित : मंसिर १७, २०७६ १२:२८
प्रतिक्रिया
पठाउनुहोस्

फोनिज प्रदेश ५ अध्यक्षमा गाहा 

माधव अर्याल

पाल्पा — नेपाल आदिवासी जनजाति पत्रकार महासंघ (फोनिज) प्रदेश ५ को अध्यक्षमा यमबहादुर गाहा (रुपन्देही) चयन भएका छन् । तिनाउ गाउँपालिकाको दोभान सुकेतालमा सोमबार सकिएको प्रदेश ५ को अधिवेशनबाट गाहा अध्यक्षमा सर्वसम्मत चुनिएका हुन् ।

अधिवेशनबाट खुल्ला उपाध्यक्षमा सबी थारु ( दाङ), महिला उपाध्यक्ष प्रभा गाहा(रुपन्देही), महासचिव गजेन्द्र गुरुङ (बाँके), संगठन सचिव नगेन्द्र चौधरी (दाङ), संस्थागत सचिव रवीन्द्र पुन मगर(रोल्पा), कोषाध्यक्ष विनोद श्रेष्ठ(पाल्पा) चयन भएका छन् ।

सदस्यहरु मीनाकुमारी कुमाल, निता चौधरी, विष्णुकुमार आले, रामअवतार चौधरी, प्रज्वल श्रेष्ठ, रवीन्द्रमान शेरचन र यमुना चौधरी चयन भए ।

महाधिवेशनको उद्घाटन प्रदेश ५ का सभामुख पूर्णबहादुर घर्तीले गरेका थिए ।

प्रकाशित : मंसिर १७, २०७६ १२:२७
पूरा पढ्नुहोस्
प्रतिक्रिया
पठाउनुहोस्
×