२४.१२°C काठमाडौं
जर्नेल मारिएपछि इरान र अमेरिकाले के भने ?
दुबई — अमेरिकाले राष्ट्रपति डोनाल्ड ट्रम्पको निर्देशनमा इरानी सेनाको विशेष दस्ता कुद्सका प्रमुख जर्नेल कासिम सुलेमानी मारिएको बताएको छ ।
अमेरिकी रक्षा मन्त्रालयले इराकको बग्दाद विमानस्थलमा राष्ट्रपति ट्रम्पकै निर्देशनमा शुक्रबार आक्रमण गरिएको बताएको छ । शुक्रबार बग्दाद विमानस्थलमा भएको आक्रमणमा सुलेमानीसहित इराकी मिलिसिया कमाण्डर अबु अल महदी मुहान्दिस र केही व्यक्ति मारिएका थिए ।
आक्रमणको केही समयपछि अमेरिकी राष्ट्रपति ट्रम्पले अमेरिकी झन्डा ट्वीट गरेका थिए । रक्षा मन्त्रालयले विज्ञप्ति जारी गर्दै भनेको छ, ‘राष्ट्रपतिकै निर्देशनमा अमेरिकी सेनाले रक्षात्मक कारबाही गरेको हो । कासिम सुलेमानीलाई मारेर अमेरिकी सेनाले विदेशमा रहेका आफ्ना नागरिकको सुरक्षा गरेको छ ।’
‘इरानले बनाएको आक्रमणको योजनालाई विफल पार्न यो आक्रमण गरिएको हो,’ अमेरिकी रक्षा मन्त्रालयले भनेको छ, ‘अमेरिकाले आफ्ना नागरिक र आफ्ना चासोको विषयको विश्वभर रक्षा गरिरहनेछ ।’
डेमोक्रेटिक पार्टीका सिनेटर क्रिस मर्फीले सुलेमानी अमेरिकाको दुस्मन भएको बताउँदै उनको मृत्युले अमेरिकी नागरिकमाथि खतरा बढेको प्रतिक्रिया दिएका छन् । ‘अमेरिकी नागरिकलाई क्षति नपुगेसम्म हामीले सामान्यतया विदेशी राजनीतिक अधिकारीहरुको ‘हत्या’ गर्दैनौँ,’ उनले ट्वीटमा भनेका छन् ।
संयुक्त राष्ट्र संघका लागि पूर्व अमेरिकी राजदूत निक्की हेलीले ‘शान्ति र न्याय’ खोज्नेहरु सुलेमानीको मृत्युमा खुसी हुनुपर्ने प्रतिक्रिया दिएकी छिन् ।Soleimani was an enemy of the United States. That’s not a question.
— Chris Murphy (@ChrisMurphyCT) January 3, 2020
The question is this - as reports suggest, did America just assassinate, without any congressional authorization, the second most powerful person in Iran, knowingly setting off a potential massive regional war?
इरानले के भन्यो ?
इरानका विदेशमन्त्री मोहम्मद जावेद जरिफले इरानी कुद्स बलका प्रमुख कासिम सुलेमानीको हत्या ‘एउटा खतरनाक र मूर्खतापूर्ण घटना’ भएको प्रतिक्रिया दिएका छन् ।
अमेरिकाले आफ्नो दुष्ट साहसिक कदमको सबै परिणामको भागिदार बन्नुपर्छ,’ विदेशमन्त्री जरिफले ट्वीटमा भनेका छन् ।The US' act of international terrorism, targeting & assassinating General Soleimani—THE most effective force fighting Daesh (ISIS), Al Nusrah, Al Qaeda et al—is extremely dangerous & a foolish escalation.
— Javad Zarif (@JZarif) January 3, 2020
The US bears responsibility for all consequences of its rogue adventurism.
कुद्स फाैज
स्तरोन्नति गर्न थालिएका ठूला राजमार्गको काम समयमा नसकिँदा यात्रुहरूले सास्ती खेपिरहेकाछन् । काम समयमा नसकिनुमा को बढी दोषी छ ?
