नेपालको अर्बाइटल स्लटमा आफ्नै स्याटेलाइट राखिने- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement
एमालेको घोषणापत्र

नेपालको अर्बाइटल स्लटमा आफ्नै स्याटेलाइट राखिने

कान्तिपुर संवाददाता

काठमाडौँ — नेकपा (एमाले)ले अन्तरिक्षमा नेपालले आफ्नै स्याटेलाइट स्थापना गर्ने प्रतिबद्धता व्यक्त गरेको छ । आसन्न प्रतिनिधिसभा तथा प्रदेशसभा निर्वाचनका लागि चुनावी घोषणापत्र सार्वजनिक गर्दै एमालेले नेपालले आफ्नै लगानीमा आफ्नै अर्बाइटल स्लटमा स्याटेलाइट राख्ने प्रतिबद्धता जनाएको हो ।

लामो समयदेखि अलपत्र परेको नेपालको अर्बाइटल स्लटलाई तत्कालीन केपी शर्मा ओली नेतृत्वको सरकारले आफ्नो स्वामित्वमा ल्याएको थियो ।

आफ्नै स्याटेलाइट स्थापना गर्दा ब्यान्डविथको भुक्तानीका लागि विदेसिने गरेको रकम विदेसिनबाट रोकिने एमालेले जनाएको छ । एमालेले दूरसञ्चार सेवाको सहज र गुणस्तरीय सेवा विस्तार गर्ने प्रतिबद्धता व्यक्त गरेको छ ।

प्रकाशित : कार्तिक १५, २०७९ १८:०७
प्रतिक्रिया
पठाउनुहोस्

गृहजिल्ला जान देउवाले आयोगसँग लिए अनुमति

कान्तिपुर संवाददाता

काठमाडौँ — प्रधानमन्त्री तथा नेपाली कांग्रेसका सभापति शेरबहादुर देउवाले डडेलधुरास्थित आफ्नै निर्वाचन क्षेत्रमा जानका लागि निर्वाचन आयोगसँग अनुमति लिएका छन् । मंगलबार आयोगलाई निवेदन लेख्दै प्रधानमन्त्री देउवाले गृहजिल्लामा जानका लागि अनुमति लिएका हुन् ।

आसन्न प्रतिनिधिसभा र प्रदेशसभा सदस्यको निर्वाचनका लागि हुने विभिन्न चुनावी कार्यक्रममा सहभागी हुनका लागि अनुमति मागेका हुन् । उनी गृहजिल्ला जाँदा कुन साधन प्रयोग गर्ने भन्नेबारे भने अझै खुलाइएको छैन ।

उनको उम्मेदवारी दर्ता गर्न उनकी पत्नी आरजु राणा देउवा डडेलधुरा गएकी थिइन् । यसअघि देउवा स्थानीय निर्वाचनको प्रचारका लागि डडेलधुरा पुगेका थिए । त्यसयता भने उनी गृहजिल्ला पुगेका छैनन् ।

प्रकाशित : कार्तिक १५, २०७९ १८:००
पूरा पढ्नुहोस्
प्रतिक्रिया
पठाउनुहोस्
x
×