अन्तर्राष्ट्रिय पदक विजेता खेलाडीलाई बैंक खातामार्फत पुरस्कारको रकम जान्छ : मन्त्री श्रेष्ठ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — युवा तथा खेलकुदमन्त्री विराजभक्त श्रेष्ठले अन्तर्राष्ट्रिय पदक विजेता खेलाडीहरूलाई आगामी वर्षदेखि बैंक खातामार्फत नै पुरस्कारको रकम दिने व्यवस्था मिलाइएको जानकारी दिएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![अन्तर्राष्ट्रिय पदक विजेता खेलाडीलाई बैंक खातामार्फत पुरस्कारको रकम जान्छ : मन्त्री श्रेष्ठ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/biraj-bhakta-shrestha-2362024113321-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अन्तर्राष्ट्रिय पदक विजेता खेलाडीहरूलाई सरकारले पुरस्कारको घोषणा गरेपनि अझै दिन नसकेको भन्दै आलोचना भइरहेका बेला मन्त्री श्रेष्ठले आगामी आर्थिक वर्षको बजेटमा त्यस्तो अवस्थाको अन्त्य हुने व्यवस्था गरिएको बताए ।
प्रतिनिधसभाको आइतबारको बैठकमा एसियन र साग खेलकुदमा पदक विजेता खेलाडीहरूका लागि ६ हजारका दरले मासिक भत्ताको पनि व्यवस्था आगामी आर्थिक वर्षको बजेटमा गरिएको मन्त्री श्रेष्ठले जानकारी दिए ।
‘अन्तराष्ट्रिय पदक विजेता खेलाडीहरूलाई राष्ट्रिय खेलकुद विकास नियमावली, २०७९ मा पुरस्कारको व्यवस्था गरिए अनुसार ४ करोड ३५ लाख बजेट विनियोजन गरिएको छ । आगामी वर्षदेखि पदक बिजेता खेलाडीलाई बैंक खातामार्फत नै पुरस्कारको रकम जाने व्यवस्था मिलाइएको छ,' मन्त्री श्रेष्ठले भने, 'ओलम्पिकमा सहभागी, एसियन खेलमा पदक विजेता, साग खेलकुदमा स्वर्ण पदक विजेता खेलाडीहरू ३ सय ५७ जनालाई मासिक ६ हजारको दरले मासिक भत्ता प्रदान गर्न बजेट विनियोजन गरिएको छ ।'
प्रदेश र स्थानीय तहमा सशर्त अनुदानका कार्यक्रम बजेटमा राख्न नसकिएको पनि मन्त्री श्रेष्ठको भनाइ थियो । उनले भने, 'दशौं राष्ट्रिय खेलकुद प्रतियोगिता आयोजनाका लागि रकम विनियोजन गर्नु परेकाले प्रदेश र स्थानीय तहमा ससर्त अनुदानका कार्यक्रमलाई बजेट विनियोजन हुन नसकेको हो ।’
त्यस्तै, युवाहरूलाई कुलतमा राख्न नदिन पनि सरकारले आगामी आर्थिक वर्षको बजेटमा केही रकम विनियोजन गरेको मन्त्री श्रेष्ठले बताए ।
प्रकाशित : असार ९, २०८१ १६:०२