२५.१२°C काठमाडौं
कोपा अमेरिका : भेनेजुएला र मेक्सिको विजयी
काठमाडौँ — कोपा अमेरिकाको आइबार भएको समूह ‘बी’ को खेलमा भेनेजुएला र मेक्सिको विजयी भएका छन् । भेनेजुएलाले इक्वेडरलाई २–१ ले पराजित गर्यो भने मेक्सिको जमैकामाथि १–० ले विजयी रह्यो । यी सुरुआती नतिजापछि समूहमा भेनेजुएला तथा मेक्सिको शीर्ष दुई स्थानमा रहेका छन् ।
यससँगै दुवै टिमले आफ्नो नकआउट चरण पुग्ने सम्भावना बलियो बनाउन सफल रहे । भेनेजुएलाले एक गोलले पछाडि रहेको स्थितिबाट जित निकालेको हो । जेरेमी सारमिन्टोको गोलले इक्वेडरले सुरुआती अग्रता लिएको थियो ।
दोस्रो हाफमा भेनेजुएलाले दुई गोल फर्काएको हो । त्यसमा जानडर काडिजले ६४ र इवार्डो बेलोले ७४ औं मिनेटमा गोल गरे ।
मेक्सिकोले प्राप्त गरेको जितमा भने गेराडो आरटेगाले खेलको ६९ औं मिनेटमा एक मात्र गोल गरे ।
प्रतिक्रिया
