टीकापुर र धनगढी स्पोर्ट्स विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
धनगढी — लिटल फ्लावर प्रिमियर लिग (एलपीएल) को आठौं संस्करणमा शुक्रबार युथ अफ टीकापुर र धनगढी स्पोर्ट्स क्लब विजयी भएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![टीकापुर र धनगढी स्पोर्ट्स विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/lpl-mansir-22-photo-1-08122023055249-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
समूह ‘बी’ मा युथ अफ टीकापुरले दोस्रो जित पायो । टोलीले धनगढी क्रिकेट एकेडेमीलाई ३३ रनले हरायो । समूह ‘ए’ मा धनगढीले शुक्लाफाँटा ब्ल्याकबक्स फाउन्डेसनलाई ६ विकेटले पराजित गर्दै सेमिफाइनल पुग्ने सम्भावना बलियो बनाएको छ ।
पहिलो खेलमा १ सय ३६ रनको लक्ष्य पाएको धनगढीले २० ओभरमा ८ विकेट गुमाई १ सय २ रनमात्र बनायो । सार्थक धितालले ३७, मान साउदले १८ र विजय रानाले १२ रन जोडे । युथ अफ टीकापुरका प्लेयर अफ द म्याच घोषित गौतम केसीले ३ विकेट लिए । सुमित महर्जनले २, मोहम्मद हुसेन र प्रकाश जैसीले १–१ विकेट लिए ।
यसअघि टस जितेको युथ अफ टीकापुरले २० ओभरमा ९ विकेट गुमाएर १ सय ३५ रन बनाएको थियो । हरि चौहानले २९, गौतम केसीले २६, प्रदीप ऐरीले १४, प्रकाश जैसीले १३ रन बनाए । अतिरिक्तबाट २६ रन पायो । धनगढीका लेग स्पिनर युवराज खत्री एक्लैले ४ विकेट लिए । उनले ४ ओभरमात्र ८ रन खर्चिए । नीरज ऐरले २, हिक्मत महरा र मान साउदले १–१ विकेट लिए ।
दोस्रो खेलमा शुक्लाफाँटा ब्ल्याकबक्सले दिएको १ सय १० रनको लक्ष्य धनगढीले १३.२ ओभरमा ४ विकेट पूरा गरेको थियो । प्रनित थापाले अविजित अर्धशतक बनाए । प्लेयर अफ द म्याच घोषित प्रनितले ३४ बलमा ३ चौका र ५ छक्का प्रहार गरे । वसन्त कार्कीले अविजित २७ बनाए । ३२/४ को अवस्थामा प्रनित र वसन्तले पाँचौं विकेटमा अविजित ७८ रनको साझेदारी गरे । शुक्लाफाँटाका सुशील रावलले २, कैलाश ऐर र वसन्त खत्रीले १–१ विकेट लिए ।
यसअघि टस जितेको शुक्लाफाँटाले २० ओभरमा ७ विकेट गुमाई १ सय ९ रन बनायो । किरण ठगुन्नाले २९, विशाल ऐरले २३, रोशन साउदले १७ र वसन्त खत्रीले १३ रन जोडे । धनगढीका अमरसिंह राउटेलाले ३ विकेट लिए, भोजराज भट्टले २, दीपक ठकुरी र भुवन कार्कीले १–१ विकेट लिए ।
![](https://assets-cdn.ekantipur.com/uploads/source/ads/900-x-100-0172024023126.gif)