फेका कप फुटबल सुरु

ओरियन्टलले कौस्तुभलाई ३–१ गोलले हरायो । ओरियन्टलका उमेश अछामी, प्रज्ज्वल भुजेल र मनोज रामले गोल गरे । कौस्तुभका रिदम श्रेष्ठले एक गोल गरे । ओरियन्टलका प्रज्वल भुजेल म्यान अफ द म्याच भए ।

नकआउट प्रतियोगितामा २४ टिमको सहभागिता रहेको आयोजक फेकाका संयोजक राजु दाहालले जनाए । शीर्ष चार स्थान हात पार्ने टिमले क्रमशः ३० हजार, २० हजार, १० हजार र ५ हजार पुरस्कार पाउने छन् ।

प्रतियोगिताको कागेश्वरी मनोहरा नगरपालिकाका मेयर उपेन्द्र कार्कीले उद्घाटन गरेका थिए ।