आनन्दलाई रात्रिकालीन टेबलटेनिसको स्वर्ण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — आनन्द धाख्वाले मंगलबार ललितपुर मेयर कप अन्तरवडा रात्रिकालीन टेबलटेनिस प्रतियोगिताको भेट्रान ६० वर्षमाथिको इभेन्टमा स्वर्ण पदक जितेका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![आनन्दलाई रात्रिकालीन टेबलटेनिसको स्वर्ण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/ananda-dhakhwa-05122023045726-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
फाइनलमा वडा १० का आनन्दले बडा १९ का जगदीश्वरप्रसाद जोशीलाई ११–४, ११–४, ११–७ को सेटले हराएर स्वर्ण जिते । सेमिफाइनलमा जगदीश्वरले वडा १६ का धर्मेन्द्र शाक्य र आनन्दले वडा ५ का पूर्णशंकर श्रेष्ठलाई हराएका थिए ।
५० वर्षमाथि वडा १६ का प्रकाश धाख्वा, वडा २० का संघ वज्राचार्य, वडा १९ का निशान प्रधान, वडा ९ का किरण व्यञ्जनकार, वडा ११ का नदिमरत्न शाक्य र वडा २० का सुरेश वज्राचार्य क्वाटरफाइनल पुगेका छन् ।
गत मंसिर १२ देखि सुरु रात्रिकालीन टेबलटेनिसमा ५ सयभन्दा वढी खेलाडीले सहभागिता छ । प्रतियोगिताको तेस्रो दिन खेलकै क्रममा मूल आयोजक समितिका सचिव तथा खेलाडी पुष्पराज शाक्यको निधन भएपछि खेल एक साता स्थगित गरिएको थियो ।
ललितपुर जिल्ला टेबलटेनिस संघ, खोल्चा पुखु खेलकुद उपसमिति र खोल्चा पोखरी टोल सुधार समितिको संयुक्त आयोजनामा भएको प्रतियोगिताका खेल वडा तल्लो चाकुपाट खोल्चापोखरी टोलमा सञ्चालन भइरहेको छ ।
यसमा कुल ३ लाख ५० हजार रुपैयाँ पुरस्कार राशि रहेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)