झापाका फुटबल रेफ्री लोकराज ढुंगानाको निधन

ढुंगाना विगत दुई दशकदेखि फुटबल रेफ्री थिए । जिल्ला तथा क्षेत्रमा हुने राष्ट्रिय स्तरका प्रतियोगिताहरूमा लोकराज प्रायः देखिन्थे । उनी झापाका टोलकपदेखि गोल्डकपसम्म रेफ्री गर्थे । फुटबलप्रति सानैदेखिको रुचिले उनलाई रेफ्री बनाएको थियो ।

उनको इच्छा त खेलाडी बनेर नाम कमाउने थियो । तर, शारीरिक अशक्तताका कारण उनी खेलाडी बन्न सकेनन् । ‘खेलाडी बन्न नसक्ने भएपछि मैले रेफ्री बन्ने योजना बनाएको थिएँ,’ केही समयअघि कान्तिपुरसँग उनले भनेका थिए ।