झापाका फुटबल रेफ्री लोकराज ढुंगानाको निधन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काँकडभिट्टा — झापाका फुटबल रेफ्री लोकराज ढुंगानाको शुक्रबार साँझ निधन भएको छ । झापाको बुद्धशान्ति–१ का ४५ वर्षीय ढुंगाना कलेजो र फोक्सोसम्बन्धी रोगबाट पीडित थिए । पारिवारिक स्रोतका अनुसार उनको उपचारका क्रममा शुक्रबार साँझ बिर्तामोडस्थित एक अस्पतालमा निधन भएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![झापाका फुटबल रेफ्री लोकराज ढुंगानाको निधन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/lokraj-dhungana-01122023033028-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
ढुंगाना विगत दुई दशकदेखि फुटबल रेफ्री थिए । जिल्ला तथा क्षेत्रमा हुने राष्ट्रिय स्तरका प्रतियोगिताहरूमा लोकराज प्रायः देखिन्थे । उनी झापाका टोलकपदेखि गोल्डकपसम्म रेफ्री गर्थे । फुटबलप्रति सानैदेखिको रुचिले उनलाई रेफ्री बनाएको थियो ।
उनको इच्छा त खेलाडी बनेर नाम कमाउने थियो । तर, शारीरिक अशक्तताका कारण उनी खेलाडी बन्न सकेनन् । ‘खेलाडी बन्न नसक्ने भएपछि मैले रेफ्री बन्ने योजना बनाएको थिएँ,’ केही समयअघि कान्तिपुरसँग उनले भनेका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)