नेपाल सुपर लिगको इतिहासमा चितवनको पहिलो जित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल सुपर लिगमा आफ्नो पहिलो जित निकाल्ने चितवन एफसीको सपना अन्ततः शुक्रबार साकार भएको छ । प्रतियोगिताको पहिलो संस्करणसहित नौ खेलमा आएर चितवनले पहिलो जित आत्मसात गरेको थियो ।
![](https://assets-cdn.ekantipur.com/uploads/source/ads/900x100-1172024092759.gif)
![नेपाल सुपर लिगको इतिहासमा चितवनको पहिलो जित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/sports/chitawan-fc-3-01122023035234-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यसका लागि उसले दशरथ रंगशालामा भएको खेलमा नवप्रवेशी वीरगञ्ज युनाइटेडलाई २–१ ले हरायो । यो जितसँगै चितवनको तीन खेलबाट चार अंक भएको छ । प्रतियोगिताको नवप्रवेशी वीरगञ्जको यो लगातार दोस्रो हार हो र यससँगै शून्य अंकको स्थितिमा रह्यो ।
चितवनले आफ्नो आइकोनिक खेलाडी विमल घर्ती मगरको गोलले अग्रता लिएको थियो । खेलको २९ औं मिनेटमा रोशन रानामगरले दिएको थ्रु–बलमा विमलले वीरगञ्जका गोलरक्षक दीप कार्कीलाई बिट गर्दै गोल गरे ।
दोस्रो हाफको ५५ औं मिनेटमा वीरगञ्जले बराबरी गोल फर्कायो । एकिन्स बाफोरले हेडबाट गोल गरेका हुन् । खेलको निर्णायक गोल भने ६७ औं मिनेटमा निस्केको थियो र यो रह्यो, टोरिक जेब्रिनको नाममा ।
![](https://assets-cdn.ekantipur.com/uploads/source/ads/900-x-100-0172024023126.gif)