लिगकपमा युनाइटेडको चुनौती समाप्त, न्युकासलसँग ३-० ले पराजित

आर्सनल पनि प्रतियोगिताबाट बाहिरिएको छ र उसलाई भने वेस्ट ह्यामले ३–१ ले हरायो । लिभरपुलले भने बर्नमाउथलाई २–१ ले पराजित गर्दै क्वाटरफाइनलको यात्रा तय गर्‍यो। यस्तै चेल्सीले च्याम्पियनसिप प्रतिद्वन्द्वी ब्ल्याकबर्नलाई २–० ले पन्छायो ।

गत सिजनको लिगकप फाइनलमा युनाइटेडले न्युकासललाई नै पराजित गर्दै उपाधि जितेको थियो । त्यसको पुनरावृत्तिका रूपमा भएको खेलमा भने न्युकासल बलियो देखियो । यसक्रममा युनाइटेडले सबै खाले प्रतियोगिताका पछिल्ला १५ खेलमा आठौं हार बेहोर्‍यो र व्यवस्थापक एरिक टेन ह्याग दबाबमा रहे ।

सन् १९६२–६३ यता युनाइटेडको यो अहिलेसम्मकै खराव सुरुआत हो । प्रतियोगिताका अन्य खेलमा एभरटनले बर्नलीलाई ३–० र फुलहमले इपस्विच टाउनलाई ३–१ ले हरायो ।