देव दुई शतक बनाउने पहिलो खेलाडी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — देव खनाल नेपालबाट यू १९ अन्तर्राष्ट्रिय क्रिकेट प्रतियोगितामा दुई शतक बनाउने पहिलो खेलाडी बनेका छन् । देवले बिहीबार इरानविरुद्ध एसीसी यू १९ प्रिमियर कप क्रिकेटमा १ सय रनको इनिङ्स खेल्दै सो कीर्तिमान बनाएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![देव दुई शतक बनाउने पहिलो खेलाडी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/sports/dev-khanal-12102023055946-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मलेसियामा बिहीबार सुरु प्रतियोगितामा पहिलो खेलबाटै देवले आफ्नो प्रभाव देखाएका हुन् । इरानले टस जितेपछि ब्याटिङको निम्तो पाएको नेपालबाट अर्जुन कुमाल पहिलो ओभरमै शुन्यमा र आकाश त्रिपाठी ३ रनमा आउट भएपछि देव र दीपक बोहरा खेलमा हावी भएका थिए ।
कप्तान देवले ५९ बलमै शतक बनाएका थिए । सोक्रममा उनले १२ चौका र ४ छक्का प्रहार गरे । फेब्रुअरीमा देवले कुवेतविरुद्ध आईसीसी यू १९ विश्वकप छनोटको एसिया क्षेत्रमा १ सय २५ रन बनाएका थिए ।
युवा समूहको अन्तर्राष्ट्रिय क्रिकेट प्रतियोगितामा दुई शतक बनाउने नेपालका दोस्रो खेलाडी हुन् । यसअघि रित गौतमले एसीसी यू १६ इस्टर्न रिजनमा म्यानमारविरुद्ध बैंककमा १ सय ६ रन र यू १९ इस्टर्न रिजनमा सिंगापुरविरुद्ध १ सय १५ रन बनाएका थिए ।
नेपालबाट यसअघि शक्ति गौचन, कनिष्क चौंगाई, फजलुर रहमान खान, राजु रिजाल, रित गौतम र अर्जुन कुमालले शतक बनाएका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)