सिद्धान्त र इशालाई स्वर्ण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सिद्धान्त बलामीले ११ औं कोरियन एम्बासडर खुला अन्तर्राष्ट्रिय तेक्वान्दो प्रतियोगिताको अन्तिम दिन आइतबार स्वर्ण जितेका छन् । नेपालस्थित दक्षिण कोरियाली दूतावास र नेपाल तेक्वान्दो संघद्वारा संयुक्त आयोजित प्रतियोगिताको सिनियर पुरुष ७३ केजीमुनि फाइनलमा नागार्जुन डोजाङका सिद्धान्तले आयुष चौधरीलाई पराजित गरे ।
![](https://assets-cdn.ekantipur.com/uploads/source/ads/900x100-1172024092759.gif)
![सिद्धान्त र इशालाई स्वर्ण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/sports-news-1892023040324-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यो इभेन्टमा इसाक राई र जाहिद इफ्तेखार संयुक्त रूपमा तेस्रो भए । सिनियर पुरुष ६३ केजीमुनि प्रदीप विश्वकर्माले सञ्जाल श्रेष्ठलाई फाइनलमा हराउँदै पहिलो भए । विशान्त केसी र सोनम लामाले तेस्रो स्थान हात पारे । सिनियर महिला ४६ केजीमुनि अञ्जली साउदले स्वर्ण जितिन् । नेपाल पुलिसकी उनले सदीक्षा कार्कीको चुनौतीलाई पन्छाएकी थिइन् । मनीषा वाइबा र सुप्रिमा बजगाईं तेस्रो भए ।
जुनियर ४६ केजीमा कावासोती डोजाङकी इशा महतोले स्वर्ण जितिन् । उनले फाइनलमा तिलोत्तमाकी दीपिका कार्कीलाई पराजित गरिन् । गंगा बुढामगर र रीतु पार्की संयुक्त रूपमा तेस्रो भए ।
![](https://assets-cdn.ekantipur.com/uploads/source/ads/900-x-100-0172024023126.gif)