ताप्लेजुङ गोल्डकप : फाइनलमा रेडहर्स र जुट विकास भिड्ने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
ताप्लेजुङ — ताप्लेजुङ गोल्डकप फुटबल प्रतियोगिताको फाइनलमा बुधबार रेडहर्स फुटबल क्लब इलाम र जुट विकास फुटबल एकेडेमी इटहरी सुनसरी आमनेसामने हुने भएका छन् । दुवै टिम टाइब्रेकरको सहयोगमा फाइनल पुगेका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![ताप्लेजुङ गोल्डकप : फाइनलमा रेडहर्स र जुट विकास भिड्ने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/sports/foot-ball-tpj2-0592023054256-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
भानुजन माविको मैदानमा मंगलबार रेडहर्स इलामले रेडस्टार फुटबल क्लब बिर्तामोडलाई ५–४ ले हरायो । जुट विकासले पनि सोमबार पथरी ११ मोरङलाई ५–४ ले नै हराएको थियो । रेडहर्स र रेडस्टार दुवैले मंगलबार निर्धारित ९० मिनेटमा १–१ गोल गरे । खेलको १५ औं मिनेटमा इलामका आशिष राईको गोल अग्रता लिँदा ७५ औं मिनेटमा बिर्तामोडका जोन ग्लोरीले बराबरी गोल फर्काए । बाँकी समयमा गोल हुन नसकेपछि खेल टाइब्रेकरमा धकेलियो ।
बिर्तामोडको तर्फबाट मिलन राई (बी) ले टाइब्रेकरको पहिलो प्रहार नै इलामका गोलकिपर विवेक मगरले रोकेपछि दर्शकका लागि रोचक र रेडस्टारका लागि दबाब बनेको थियो । खेलको छिनोफानो यही गोल बन्यो । इलामबाट विशन लामा, आशिष लावती, पिकेश लोक्ताम, छिरिङ गुरुङ र विवेश मगरले गोल गरे । बिर्तामोडबाट निशन लिम्बू, जिवन गुरुङ, मिलन राई (ए) र मनोज राईले पेनाल्टीमार्फत गोल गरे ।
मंगलबार म्यान अफ द म्याच इलामका गोलकिपर विवेक भए । उनले ५ हजार रुपैयाँ पाए । केहीबेर वर्षा भए पनि खेल सुचारु भएको थियो । लाखे जात्राका अवसरमा आयोजित प्रतियोगिताको विजेताले ३ लाख ११ हजार र उपविजेताले १ लाख ११ हजार पाउनेछन् ।
![](https://assets-cdn.ekantipur.com/uploads/source/ads/900-x-100-0172024023126.gif)