काठमाडौँ — चीनको हाङझाउमा हुने १९ औं एसियाली खेलकुदका लागि भारोत्तोलनबाट चार खेलाडी छनोट भएका छन् । अन्तिम छनोट प्रतियोगिताबाट २–२ पुरुष/महिला खेलाडी छनोट भएको नेपाल भारोत्तोलन संघका अध्यक्ष राम श्रेष्ठले जनाएका छन् ।
पुरुष ८१ केजीमा कञ्चनपुरका विकास भट्ट र ९६ केजीमा नेपाल पुलिसका विशालसिंह विष्ट छनोट भएका छन् । महिला ५५ केजीमा पुलिसकी टीकामाया गुरुङ र ६४ केजीमा आर्मीकी शारदा चौधरी छानिए । एसियाली खेलकुद असोज ६ देखि हुनेछ ।